شلون نستقبل محرم..شلون نتلكه الطفوف؟ذكرى عاشوراء المؤلمه اقول

[ابو علي السعيدي]

شلون نستقبل محرم..شلون نتلكه الطفوف
بحزن والدمعات تجري..وتنذكر ذيج السيوف
بالشوار ع كل مساء..والجوامع بالدعاء
تمتلي رايات سوده بالالوف

شلون نستقبل محرم..والسواد يعم علينه
تنرفع رايات سوده..تغطي ارجاء المدينه
وتستمع باسم يردد..يكول جلماته الحزينه
يكول يحسين لمصابك..من شهر واتحضرينه

نعيد ذكرى الاولياء..بالحزن نوح وبكاء
بيومه انوحد الصفوف

تشوف كل الناس تلبس..ويعله عالوجه الحداد
وتنصبغ ديران اهلـنه..موشـــحه بلون السواد
وتستمع ونته امــــي..تحــــرك اركان الجماد
تصيح يحسين بمصابك..اليوم مهمومه العباد

حسين يالالنه الشفاء..تبكي بالدم السماء
تبقى رغما عالظروف

هالشهر شهر الولايـــه..كلـــه محفوف بحزن
تشوف عنـــوان الموالي..لســــيده يون ويحن
شلون حال الزهره كلي.. وحــاله كلي شتظن
من كرب موعد ابـــنه..ومــــوقف الام لاابن

هذا عنوان الولاء..اليوم من ننصب عزاء
ونذكره يوم الحتوف

السماء ويانــه تحـزن.. وعدنه بــرهان ودليل
تغبر الدنيه بظــلام..وهذي حكمه من الجليل
حتى الدنيه بحــزنه..بصـــــــوته يطلع عويل
من تهب نسمات منهه..تصيح تصرخ يالكفيل

تصرخ تصيح الدماء..تلعن اصحاب العداء
وعينك اهواي تشوف

الحزن للناس صايـــــــــر..يفـــــرج عليه الهموم
ويدري بالدنيه اللي تفني.. وكلشي زايل مايدوم
غير وجه الباري باقــــــي..وربــــك الحي القيوم
وعجل بامرك باســـــرعه..كبـــــل كلشي لاتلوم

يوم ينزل هالبلاء..يوم لاينفع نداء
استقبله يوم الطفوف

خادم اهل البيت
ابو علي السعيدي

[سيد عدنان الحمامي]

ابوعلي السعيدي احسنت كثيرا ووفقت ان شاء الله

http://www.alqaly.com/upload/uploads/images/domain-c333165fb4.gif (http://www.alqaly.com/vb/t19406.html)

احسنتم واحسن الله اليكم وربي ايزيد

في عطائك ان شاء الله


http://smiles.al-wed.com/smiles/60/Is_058.gif (http://www.alqaly.com/vb/t19406-post225107.html#post225107)