اليوم الطم عالصدر لحسيني..كومي يااخت البطل عينيني؟نداء محبي الامام الحسين ع اقول

[ابو علي السعيدي]

اليوم الطم عالصدرلحسيني..كومي يا أخت البطل عينيني

كومي يابت حيدره نصبي العزاء
لبن سيد الكون سبط الانبياء
الارض حزنت عليهم والسماء
ويوم ابن حيدر علي مبجيني

جمعت تلطم شيب وي الشباب
تعزي ام كلثوم سكنه والرباب
تصيح ياويلاه هيه عل المصاب
نفس المصاب الالج ماذيني

يامصاب الصار عالحره وجره
يوم ابو اليمه حزو منحره
والاوصال بكل كتر وموذره
تصيح ياعباس كوم احميني

تصيح ياعباس اختك تنولي
انت ياابو الجود ياضنوة علي
كومي ياخويه ردني لمحملي
ريت جفه خويه بجفيني

ريت خويه لا اجينه لكربله
ولاتشوف الصار هاي العايله
لوعتنه هواي نبلة حرمله
ريت خويه صارت بنص عيني

ريت خويه بشيعتك يصحه الضمير
والاجت زوار بيكم تستجير
كربت الساعه هل حل النذير
كون بيده وكلبه يوافيني

كون كلبه صافي وتصفى النفوس
وياخذ العبره من حسين الدروس
لاتلاكي الناس بالوجه العبوس
كون وجهك مبشر تلاكيني

انه وانت خل ناخذ هالعبر
ومن ابو اليمه صور هالصور
تفيد تدري هناك عندك بالكبر
ربك اضعاف الفعل ينطيني

ربك ينورك موبس باللطم
لازم وياه تاخذ هالعلم
مو تسمي حسين حسبالك اسم
لازم بعلمه الي ترويني

لازم بعلمه تنور هالحياة
وتاخذ من حسين عبره وتضحيات
تنفعك يوم التغرب بالممات
اندفن يم الفحل تدريني


خادم اهل البيت
ابو علي السعيدي

[خادمة الشفيع]

السلام على الحسين
واخيه العباس
واخته زينب
احسنت كثيرا ابو علي السعيدي
بارك الله فيك

[سيد عدنان الحمامي]

http://photos.azyya.com/store/up1/080603162156qRo1.gif

http://fashion.azyya.com/user12598-albums32-picture2436.gif
رزقنا واياك العافيه

ان شاء الله

ابو علي السعيدي
رعاك ربي
و

http://photos.azyya.com/store/up1/080401174105yopx.gif (http://fashion.azyya.com/redirector.php?url=http%3A%2F%2Fwww.3tt3.net%2Fup4 )

[اهات الحوراء]

جميل جدآآآآآآآآآ

سلمت يداك شاعرنا المبدع

[ابو علي السعيدي]

الاخ الفاضل
الشاعر الحسيني الكبير
السيد عدنان الحمامي المحترم
قلمكم الموالي المتابعه لمن يسر في ركب الحسين ع
جزام الله اجر فعاله من المحسنين وتقبل الله منكم الاعمال في ميزان الحسنات
وادعو من الله ان يجعلكم من المطالبين بثار الامام الحسين ع
جعلنا الله وياكم من الحافظين والذائبين والمطالبين في دم سيد الشهداء ع
مع تحيات
اخوكم
ابو علي السعيدي