علم طاح من الثريه؟لذكرى استشهاد محمد صادق الصدر اقول؟

[ابو علي السعيدي]

لمناسبة استشهاد السيد الشهيد الصدر (قدس)
قصيده اقول؟؟


علم طاح من الثريه...ظلمت الدنيه عليه
طاح مولانه الصدر...طاح برصاص الغدر
حيل لطم ياأديه

علم طاح وجبل عالي...بيه لذنه من الليـالي
وحد اصفوف الصلاه...جان عنوان المعالي
بفضل علمه اهتدنيه...عبق ياريح الشـمالي
غير بمنهج حيــاتي...وراحت ايام الخوالي

شفته من طاح البدر...مخضب بدمه الصدر
تشهد الجمعه المنيه

الف لاء وكلا بيـــه...صوته ردد هل النداء
طاح يم منبر ولينه...البيه خطب للاوصياء
اه يامسـجد الكوفه...بيـــــك ذكرى الاولياء
صرخه من تطلع تدوي...توصل لحد السماء

تطلع بليلة قدر...مخضب تشوف الصدر
تبجي وتصيح الرعيه

يبقى يذكرها الموالي...اجفان هزت بالطغاة
جانت الحكمه ومخافه...وجانت اوسام النجاة
شلون ابيض يزهي لونه...ينلبس وكت الصلاة
اهتزت الحكام منه...وكلمه وحده من الولاة

كلمه كالها بزجر...يوم رددهه الصدر
كلا..كلا..للدنيه

ثوره عمت بالهدايه...وفتحت ابواب الولاده
جان بيه الصدر قائد...وجان ربــــان القياده
التمت الالاف حوله...اجتمعت لاأجل العباده
اسلم الكافر وصله...وصافحه برحب وسعاده

يوم حقق هالنصر...كلمه كالها الصدر
صله على الباري ونبيه

بالشهاده جان حلمــه...ونهج دربـــــــه للاخير
لبس جفنه من البدايه...ويعرف اشراح اليصير
بلـــــــغ الالاف يخطب...وحـــــذره يوم السعير
خله الجمــــعه علامه...وكـــــــــــال بيه لاتحير

منه ماكو كل عذر...كلمه كالها الصدر
وهيه ذمه على البقيه

خادم اهل البيت
ابو علي السعيدي

[سيد عدنان الحمامي]

ابو علي السعيدي

اسئل الله لكم النجاح والتوفيق في خدمة محمد وال محمد ص
http://www.alqaly.com/upload/uploads/images/domain-c333165fb4.gif (http://www.alqaly.com/vb/t19406.html)

ربي ايزيد

في عطائك ان شاء الله


http://smiles.al-wed.com/smiles/60/Is_058.gif (http://www.alqaly.com/vb/t19406-post225107.html#post225107)

[خادم خدام الزجيه]

ابو علي السعيدي

اسئل الله لكم النجاح والتوفيق في خدمة محمد وال محمد ص

الله الله الله الله عاشت أيدك شاعرنه الورد على الابيات الجميله والرائعه بحق هذه السيد الجليل

[ابو علي السعيدي]

الاخ الفاضل

مروكم والاطراء الجميل وفقكم وقلمم الموالي لخدمة خدام الحسين ع
تحيات
اخوكم
ابو علي السعيدي

[ابو علي السعيدي]

الاخ الفاضل
الشاعر الحسيني الكبير
السيد عدنان الحمامي المحترم
قلمكم الموالي المتابعه لمن يسر في ركب الحسين ع
جزام الله اجر فعاله من المحسنين وتقبل الله منكم الاعمال في ميزان الحسنات
وادعو من الله ان يجعلكم من المطالبين بثار الامام الحسين ع
جعلنا الله وياكم من الحافظين والذائبين والمطالبين في دم سيد الشهداء ع
مع تحيات
اخوكم
ابو علي السعيدي