ودعيهم يزينب ودعيهم؟خاطب الوالين للحوراء ع اقول؟

[ابو علي السعيدي]

ودعيهم.. يزينب..ودعيهم
أدفينهم ..يزينب.. أدفينهم

شلون حالج يالعقيله اليوم من حل الوداع
هاجت اضنونج يحره بيوم وادعتي السباع
طاح ابو الفضل وكفيلج طاح متوسد الكاع
اليوم قوديهه السفينه واحملي انتي الشراع

تكفليهم..يزينب.. تكفليهم
اجمعيهم.. يزيتب.. اجمعيهم

اليوم وحشه الليل وحدج لابكه الكم معين
لا ابو فاضل كفيلج لابكه يمج حسين
طاحو عالغبره اخوتج طاحو ومتوذرين
اندبي حاضر الشده واندبي طه الامين

بلغيهم ..يزينب..بلغيهم
واعلميهم.. يزينب.. اعلميهم

اليوم يازينب حزينه اليوم انتي ام الحزن
فاركتيي اخوتج زينب اودعتيه الوطن
اليوم مهمومه وشجيه اليوم حل بيج الشجن
الدموع اتفيض منج وصارت انهارالمزن

اندبيهم يزينب..اندبيهم
خبريهم.. يزينب.. خبريهم

اندبي اليوم الهواشم وانتخي بحامي الدخيل
صيحي ياحره على هونك يالذبحته للكفيل
ريت نحري بدالك نحرك ويبقى النه هالدليل
تسمع الاطفال تصرخ والنسه اله العويل

احريسيهم ..يزينب.. احريسيهم
سكتيهم.. يزينب..سكتيهم

غابت الشمس بضواها ونورج اليوم انطفى
وحلت ضيوف السماء والولي والمصطفى
صحتي يايزينب ندبتي وصحتي عالدنيه العفى
ينذبح سبط الرساله والاطفال مجتفه

نوميهم.. يزينب.. نوميهم
وطمينهم.. يزينب.. طمنيهم

خادم اهل البيت
ابو علي السعيدي

[خادمة الشفيع]

احسنتم كثيرا
ابوعلي السعيدي

اسئل الله ان يرزقنا واياكم
زيارة العقيلة زينب ع

[سيد عدنان الحمامي]

ابو علي السعيدي

اسئل الله لكم النجاح والتوفيق في خدمة محمد وال محمد ص
http://www.alqaly.com/upload/uploads/images/domain-c333165fb4.gif (http://www.alqaly.com/vb/t19406.html)

ربي ايزيد

في عطائك ان شاء الله


http://smiles.al-wed.com/smiles/60/Is_058.gif (http://www.alqaly.com/vb/t19406-post225107.html#post225107)

[محمد أبورغيف]

أحسنتم طيب الله انفاسكم شاعرنا المبدع
ابو علي السعيدي
على هذه الابيات الرائعة
كتبها الله لكم في سجل الحسنات
تقبل مروري
ولكم مني اعبق التحايا

[ابو علي السعيدي]

الاخت الفاضله
خادمة الشفيع المحترمه
سيدة الحرف الجميل والقلم الندي
بارك الله فيكم وجعلكم من اخلص الموالين
مروركم الكريم والاطراء الجميل
وفقكم الله لكل خير
تحيات
اخوكم
ابو علي السعيدي