تلكينه ..تلكينه...يزينب انتي وسكينه؟؟لسان حال الزوار ينادي اقول؟

[ابو علي السعيدي]

تلكينه..تلكينه..يزينب انتي وسكينه
تلكينه..تلكينه..أجينه وعفنه اهالينه

يزينب كومي ويانه..كومي ابجي عل مبجانه
اليوم السمه حزنانه..لفكد حسين ماذينه

اجت مشايه مولاتي..روحي تحمل اهاتي
لزينب تشكي لوعاتي..بسم الزهره نادينه

زحفت تمشي هاي الناس..منهه ينبع الاحساس
وشالت راية العباس..اتصيح الرايه تحمينه

مشايه اجت صوبين..ومنه تهمل العينين
كل كصده يصل لحسين..ولبو فاضل يحيينه

ابو فاضل يتلكه الكوم..ويدخله عل المظلوم
وتصيح بصوت هذا اليوم..للحضره تعنينه

انظر كربله والحال..مشايه الاجت ارتال
من جنوب من شمال..حاطت كل ميادينه

تمشي ولاتبال الخوف..اصفوف اجمعت واصفوف
كل همه تريد اطوف..وتزور اتريد جفينه

زاير من مشه وزاير..يهوس بيكم الثاير
يصيح بصوت ويناظر..لعد زينب وسبعينه

اجت شد حزم خدام..عل موعدهه بكل عام
من توصل يصير احرام..تطفوف بكربله بينه

ننصب هالعزه وياج..نواسيكم وهل جيناج
نصيح اسكينه عد عيناج..نخفف دمعة سكينه

خادم اهل البيت
ابو علي السعيدي

[خادمة الشفيع]

طيب الله انفاسك

شاعرنا القدير

ابو علي السعيدي

اسئل الله لك النجاح والتوفيق

بحق محمد وال محمد ص

[سيد عدنان الحمامي]

سلمك الله
جميل ماكتبت ابو علي السعيدي


اسئل الله لكم النجاح والتوفيق في خدمة محمد وال محمد ص
http://www.alqaly.com/upload/uploads/images/domain-c333165fb4.gif (http://www.alqaly.com/vb/t19406.html)

ربي ايزيد

في عطائك ان شاء الله


http://smiles.al-wed.com/smiles/60/Is_058.gif (http://www.alqaly.com/vb/t19406-post225107.html#post225107)

[محمد أبورغيف]

أحسنتم طيب الله انفاسكم شاعرنا المبدع
ابو علي السعيدي
على هذه الابيات الرائعة
كتبها الله لكم في سجل الحسنات
تقبل مروري
ولكم مني اعبق التحايا

[ابو علي السعيدي]

الاخت الفاضله
خادمة الشفيع المحترمه
سيدة الحرف الجميل والقلم الندي
بارك الله فيكم وجعلكم من اخلص الموالين
مروركم الكريم والاطراء الجميل
وفقكم الله لكل خير
تحيات
اخوكم
ابو علي السعيدي