تون الروح...على المذبوح؟لسان عقيلة بني هاشم ع اقول؟

[ابو علي السعيدي]

تون الروح...على المذبوح
يخويه حسين...يخويه حسين

يبو السجاد ياخـــويه...عليك مدوهنه عيالك
روحي وي الجسد ظلت...وانه ويـــاك ابرالك
ساعه انظر العبـــاس...وادور بنظره لطفالك
واصيح بصوت عالناكه...هظمني الصاير بحالك
انه بيا حال...عزتنه انذال
يخويه حسين

واروليك يخويه الصار...يوم الحركو اخيمنه
حرنه بلا ذره يحسين...نلوذ بـسد مخامرنه
بس نار الخيم ظلت...ننـــاظره وتناظرنه
اطفال وهاجت من النار...تريد اعداك تاسرنه
انه بلا حيل...لفتنه الخيل
يخويه حسين

واروليك بعض مادار...يوم الدخلت العيله
هذا ايصيح اضربوهم...بينه النظر ويطيله
واتلفت وادير العين...ياهو اليسمع اشكيله
ولن واحد اجه يمي...يبجي ودمعه ايهيله
يكلي الصار ...بالانصار
يخويه حسين

دخلنه الشام ياخويه...طبول الفرح تجمعهم
وتتقدم يخويه الروس...ولاجن موقفك هزهم
ولا منظر غريب الصار...وهذا الصار يالمهم
عقول استحوذ الشيطان...انباعت كا ضمايرهم
ظل محتار...كلبي بنار
يخويه حسين

كعدنه بدار مهضومه...مثل هظم الجره عليه
بخرابه ولاسكف بيه...مثل حال انحنت هيه
دفنت الحزن وبروحي...وكتلني البيك هم بيه
تالي والهظم يحسين...اروح شلون مسبيه
غدرني البين...عمالي العين
يخويه حسين

يوم الناده المنادي...ودخلنه القصر للاعيان
واحد حاجج الملعون...يكله انطيني النسوان
اريد وحده من عدهن...واريد بعد هم غلمان
كال الظالم ومذعور...ذوله حملو القراءن

الك ناديت ...ياوالي البيت
يخويه حسين

خادم اهل البيت
ابو علي السعيدي

[علي هاشم البدراوي]

احسنتم .. ابدعتم .. واجدتم ..

أسأل الله ان يتقبل خالص الاعمال .... تقبلوا مني المرور مع اطيب وارق تحية

اخوكم علي

[سيد عدنان الحمامي]

بارك الله في عطائك وزادك قووه وايمان

ابو علي السعيدي

ربي ايعافيك


دعائي بالتوفيق حتى تواصلون معنا هذا المشوار النبيل

http://smiles.al-wed.com/smiles/60/Is_058.gif (http://www.alqaly.com/vb/t19406-post225107.html#post225107)




http://www.alqaly.com/upload/uploads/images/domain-c333165fb4.gif (http://www.alqaly.com/vb/t19406.html)
دعائي لكم

[خادمة الشفيع]

ابو علي السعيدي

http://www.p-yemen.com/highstar/arog4/p-yemen1%20%28124%29.gif




http://www.p-yemen.com/highstar/arog4/p-yemen1%20%2812%29.gif

[ابو علي السعيدي]

الاخت الفاضله
خادمة الشفيع المحترمه
سيدة الحرف الجميل والقلم الندي
بارك الله فيكم وجعلكم من اخلص الموالين
مروركم الكريم والاطراء الجميل
وفقكم الله لكل خير
تحيات
اخوكم
ابو علي السعيدي