هاي الرايه..للمشايه؟لراية الامام الحسين ع ومن يحملها اقول

[ابو علي السعيدي]

هاي الرايه... للمشايه
تحمله الزوار بهمه...للموت اتظل عدهم ذمه
هاي الرايه

راية عباس المعروفه...ماطاحـت كظته أجفوفه
هاي الرايه اتظل مخفيه...بديوان الال البــلكوفه
من يطلع يرفعه بيده...يرفعه ونتمـــنه انشوفه
متكوب اسم الواحد بيه...واسم العتره مكمله حروفه

بيه حسين الكتبو اسمه...والعباس وجفه ورسمه
وبيه الايه...هاي الرايه

هاي الرايه البيه حسين...ودمعات الطف والجفين
ماطاحت يوم ولاذلت...خليـــناه بوسط العين
ظلت رمز لكل الشيعه...وظلت رمز لــيوم الدين
نتمه انكون احنه وياهم...وبرجاب الحجه مجلبين

يوم وناحذ ثار ودمه...والكطعو جفه يم عمه
ندك الثايه...هاي الرايه

هاي الرايه البيه العـبره...من دم حسين ومن صبره
نذكر بيه اهموم الطف...واحسين وعينه ورض صدره
وياهم اللي شالت زينب...جم اه وجـم لوعه وحسره
ونشوف الموقف للقائم...من يحمــله بحزن وعبره

الشارك وياه يختمه...ويناديه اهناك باسمه
يصعد بايه...هاي الرايه

هاي الرايه للاحــرار...من نزلت بيد المختار
دور ساعد ويلوكلــه...بصولاته ال ضد الكفار
وجانت رهبه بيوم الخندق...رايد كون اله مغوار
كاللهم نادولي حـــيدر...انطيه الرايه الكرار

كال الهادي وهو يكلمه...للكرار الرايه اتسلمه
وهيه بدايه...هاي الرايه

هاي الرايه اسنين الظلت...بجفوف الحيد الضرغام
وتحولت من بعده لولده...ضلت مرفوعه على الهام
وخلاه العباس بزنده...وي احسين وبالكدام
خلاه بروحه ونصبه...يوم الدارت هل الاقوام

طفوه وصارت هالظلمه...يم الكمر وطاحت نجمه
تبده مايه...هاي الرايه

هاي الرايه التحمل معنى...واليمشي لازم باصرار
تحمله الراحت مشــايه...من اكبار ومن ازغار
والمايكدر يتلكـــاهه...طفل وشايب بالمشوار
عمو هل الرايه تسلمني...لحظات انواسي الكرار

الرايه مرفوعه وعلمه...ويتحقق رايد كل حلمه
كون بهايه...هاي الرايه

خادم اهل البيت
ابو علي السعيدي

[علي هاشم البدراوي]

احسنتم .. ابدعتم .. واجدتم ..

أسأل الله ان يتقبل خالص الاعمال .... تقبلوا مني المرور مع اطيب وارق تحية

اخوكم علي

[سيد عدنان الحمامي]

بارك الله في عطائك وزادك قووه وايمان

ابو علي السعيدي

ربي ايعافيك


دعائي بالتوفيق حتى تواصلون معنا هذا المشوار النبيل

http://smiles.al-wed.com/smiles/60/Is_058.gif (http://www.alqaly.com/vb/t19406-post225107.html#post225107)




http://www.alqaly.com/upload/uploads/images/domain-c333165fb4.gif (http://www.alqaly.com/vb/t19406.html)
دعائي لكم

[خادمة الشفيع]

ابو علي السعيدي

http://www.p-yemen.com/highstar/arog4/p-yemen1%20%28124%29.gif




http://www.p-yemen.com/highstar/arog4/p-yemen1%20%2812%29.gif


http://www.adnanalhamame.com/vb/adnan/buttons/report.gif (http://www.adnanalhamame.com/vb/report.php?p=23896)

[ابو علي السعيدي]

الاخت الفاضله
خادمة الشفيع المحترمه
سيدة الحرف الجميل والقلم الندي
بارك الله فيكم وجعلكم من اخلص الموالين
مروركم الكريم والاطراء الجميل
وفقكم الله لكل خير
تحيات
اخوكم
ابو علي السعيدي