قصيده لقبور البقيع جديده // ادخل هنا للبركه

[رياض الرسل]

هنيالـه كلمن طـاح -- دمعه وتجاره

لرض البقيع ونـاح -- وبگلبه نـاره

أينوح بألم عبره

ولخيـرة العتـره

وبـگـلـبـه نــاره

**************

يهنياله العـرف معـنى الجره والصار

وليـش بيا ذنب هـدمـوا گبـب لخـيـار

لان هـمه الأصل والـوالـد المخــتــار

صدر امـر الخليـفـه ونـفـذوا الأشرار

نفـس الــزمـن يـنعــاد -- والجره وسادي

امن أرض البقيع الصوت -- ولعـلـي الهادي

وتنفـذت الفـكـره

ولخيـرة العـتـره

وبگلبه ناره

******************

هـدم گبــر الحسن وليا ذنب عــنـده

ورغم كل السـمـوم الأكـلت بچـبــده

عليه رجعت أردود ومكتـفت جعـده

لهـدم گـبـر الحسن وتنادي وبشده

هذا الحـقـد هـيهـات -- يهده بزمانه

والعـتـره لا متعـيـش -- لحظه بأمانه

تبقه وتظل حسره

ولخـيـرة العـتــره

وبگلبه ناره

****************


وعـلـيـل الطف عـلـيـل وزينة العـبـاد

هدم گبره بشرف يحمل صدى وأبعاد

يكفي لـو ذكــرت أسمه عـلي السجاد

تحصل مكرمه واتحصل أنتـه أمــراد

هــذا الحــمـل ألآلام -- طف الضحايه

ليش الگبــر هدموه -- نعـرف الغـايه

والغايه بالزهره

ولخيرة العـتـره

وبگلبه ناره

**************

وعـلـوم الـدنيا ضنوا تـرحـل تسافــر

أذا هـدمـوا گـبـر لمحــمــد الـبـاقــر

النواصب مادروا وبكل گلب حـاضـر

لچـن گبـره اليشوفه يكسر الخـاطــر

هدم الگـبـر هيهات -- يثـنـي العـزايــم

مادام أكـو لحسين -- بكل أرض خادم

وينذر اله بعمره

ولخـيـرة العـتره

وبگلبه ناره

*****************

وجرح جعـفر جرح والصادق أيعـرفوه

على أيـد الشريفه اتخـرجـوا ونكــروه

ماراعـوا حـقـوقــه وبــالنهج تـبـعــوه

أجـوا يم الگـبـر وبكل حـقـد هـدمــوه

رغـم الهـدم والجور -- رغم النواصب

نـتـنـطـر المـوعــود -- يحـظـر الغايـب

ونمشي تحت امره

ولخـيـرة العــتــره

وبگلبه ناره

******************
خادمكم
رياض الرسل

[سيد عدنان الحمامي]

ابو حمودي
احسنتم كثيرا
قصيده طيبه موفق ان شاء الله

http://smiles.al-wed.com/smiles/60/Is_058.gif (http://www.alqaly.com/vb/t19406-post225107.html#post225107)

http://www.alqaly.com/upload/uploads/images/domain-c333165fb4.gif (http://www.alqaly.com/vb/t19406.html)
دعائي لكم

[اهات الحوراء]

قصيده راااائعه ومؤثره جدا



طيب الله انفاسك شاعرنا القدير بوركت

[خادمة الشفيع]

احسنتم كثيرا
شاعرنا القدير رياض الرسل
وفقك الله لما يحب ويرضى

[محمد أبورغيف]

الشاعر القدير
رياض الرسل
احسنتم وبارك الله بكم وربي يوفقكم ويرعاكم
ويتقبل خالص اعمالكم
وأسئل الله جل وعلا ان لا يحرمكم اجر خدمة أهل البيت عليهم السلام
ابيات روعة طيب الله انفاسكم