سيد عدنان الحمامي
07-20-2012, 06:47 PM
هالفجر يابا الحسن آخر فجر
انته ساجد بالصلاة وتنطبر
واويلاه -- واويلاه
--
هالفجر ميشوم من طر ياعلي
يمن بيك اهموم دينك تنجلي
أتوزرت للموت تعلم ياالولي
هامتك تنصاب تدري بالغدر
واويلاه -- واويلاه
--
هامتك هامة الدين ومنهجه
وكل كرب عن الرسول اتفرجه
ياعلي ماچان منك هالرجه
أتعوف ابن ملجم يطبرك هالقذر
واويلاه -- واويلاه
--
شلون يمك وصل يطبر هامتك
وخضب ابدمك يحيدر شيبتك
انته چتال ابن ودها عرفتك
ساحة الموت و تجيب انته النصر
واويلاه -- واويلاه
--
يامن اتحل المشاكل والشدد
غيرك الهاي الرعيه شظل بعد
اي وحگ الذي بس هوه انعبد
عگب عينك تظل بالعوز وفقر
واويلاه -- واويلاه
--
چنت ترعاها الرعيه بكل وكت
ودمعك اعله ادموع ايتامك يكت
وغير ثوب الخشن انته ما املكت
وبوسط محرابك اختمته العمر
واويلاه -- واويلاه
--
ياعلي وكل الارامل رادتك
للضهر هاليوم تنطر جيتك
كلها ظلت يبو حسين ابعازتك
عوز والحرمان عگبك تنتظر
انته ساجد بالصلاة وتنطبر
واويلاه -- واويلاه
--
هالفجر ميشوم من طر ياعلي
يمن بيك اهموم دينك تنجلي
أتوزرت للموت تعلم ياالولي
هامتك تنصاب تدري بالغدر
واويلاه -- واويلاه
--
هامتك هامة الدين ومنهجه
وكل كرب عن الرسول اتفرجه
ياعلي ماچان منك هالرجه
أتعوف ابن ملجم يطبرك هالقذر
واويلاه -- واويلاه
--
شلون يمك وصل يطبر هامتك
وخضب ابدمك يحيدر شيبتك
انته چتال ابن ودها عرفتك
ساحة الموت و تجيب انته النصر
واويلاه -- واويلاه
--
يامن اتحل المشاكل والشدد
غيرك الهاي الرعيه شظل بعد
اي وحگ الذي بس هوه انعبد
عگب عينك تظل بالعوز وفقر
واويلاه -- واويلاه
--
چنت ترعاها الرعيه بكل وكت
ودمعك اعله ادموع ايتامك يكت
وغير ثوب الخشن انته ما املكت
وبوسط محرابك اختمته العمر
واويلاه -- واويلاه
--
ياعلي وكل الارامل رادتك
للضهر هاليوم تنطر جيتك
كلها ظلت يبو حسين ابعازتك
عوز والحرمان عگبك تنتظر