مو ذنبي ** كلمات سراج السُلطاني

[الشاعر سراج السلطاني]

مو ذنبي

مو ذنبي يسكينة****بالكَربة ماظل ماي
ماوجدت دربــــــي****من صوبوا عيناي
_____________
موذنبي لاتبجيـــــن****رايتنة مرفوعـــــة
بالطف سباج البين****ابلا حامي مفزوعة

اتكَلّة الدمع يهمي
ظل بالي ياعمي
والعادي ها يمي
واتلفت ابممشاي
_____________
لمّن رحــت للجـــــــود****روحي التهت وياك
ابدمعي اشهكت للحين****ياعمي آنة اتناك

بين الكفر ظلّـــــيت
والجَيتَك اشتاكَيــــت
عمي اشعجب ماجيت
نار الهضم بحشاي
______________
مفزوعة واتعثر****وأنشد على الجفين
دلّيني جفينك****دلّيني دربي امنين

خيل العدة ردها
ولو كَرُبت صدها
غير السبي اشعدها
شد العزم بحماي
______________
جن الدليل اهنـــاك****يم الشريعة ايلــوب
شحال الفكَد عودة****وعالغبرة تم مصيوب

مو ذنبي دمعاتي
تشبجلي خطواتي
متعينهْ حسراتي
مشدوهة من بلواي
______________
متكَـيدة ابضيمــي****واشهكَ دموع الليل
شال الهضم كَلبي****وهاجر دليلي الحيل

مو ذنبك آنة ادري
صار الدمع يجري
ومتحيّرة ابيسري
ياعم كلف مسراي
______________
كلمات الشاعر
سراج السلطاني

[سيد عدنان الحمامي]

طبتم وطابت كتاباتك

وبارك الله فيكم

سراج السلطاني

لكم تحياتي ودعائيhttp://www.alqaly.com/vb/mwaextraedit4/extra/109.gif

[الشاعر سراج السلطاني]

http://www.al-wed.com/pic-vb/3.gif

سيدنا الكريم الحمامي اشكرك ياطيّب وأطال الله بعمرك