تسجيل الدخول

مشاهدة النسخة كاملة : صبر ايوب

سيد حسن الحسيني
04-12-2011, 01:54 PM
(( صبُر أيوب ))



صَبُر أيوب عَديتــه يصبري ... مُصاب حسين هدم ركن عمري


غريبه والعمر كَضّية بالحسره ... وأخويه بكربله متوسد الغبره


مصاب حسين هدم ركن عمري


************


زينب أنـه أخت حســــين معروفه


مرمرني زمـانـي أبطبة الكـــــوفه


أخـذ مني الكفيـــــل بطيحة چفـوفـه


صدگ عباس راح أوعيني متشوفه


چفيلي شـــــــلون خلاني بأذيــه ... وحيـده وحايره بهاي المســــيه


عُكَبه شلون من يجبُرأبكسري ... مصاب حسين هدم ركن عمري


************


شفت عريس من دم ركَبتـه أتحنه


جاسـم بالمعاره ســـــيوف زفنـــه


رمله تنــــادي وين أبني وأودعنه


من شــافته مخضب كَطعت الظنه


تصيح أبصوت ياســـــباح كَلبي ... ترى أبليــــاك ماوچدت دربي


بالحســـره أونن أكَظي دهري ... مصاب حسين هدم ركن عمري


************


شبيه الهادي طاح أبحومة الميدان


متغسل أبدمه أتوســـــــــد التربان


راسـه يدور مابين الحرم عالزان


شـــــبّت بالكلب لمصيبته النيـران


دنيايه صفت وحشــــه وكئيبـه ... عله الآه الكلب فجـــــر نحيبـــه


دموع العين عالوجنات تجري ... مصاب حسين هدم ركن عمري


************


أنه بعيني شفت نحر الطفل منصاب


بنبـلة حرمله چيد أبن أخــويه أنعاب


چبــده من العِطش والنـــايبه هالذاب


عُكَبه لاحله جـــــاري العذب لاطاب


رضيع حســــين متروي نِريده ... مانــدري الطفــل حـزّّو وريده


نيران الهظم بحشــاي تسري ... مصاب حسين هدم ركن عمري


************


نيــــران الخيـــم يابـــن أمي شبوها


وأطفالك يخويه بحســــــــره خلوها


ســكنه والخدر لليســـــــر يــردوها


عليـلك رُكَبتــه بزنجيـل كيــــــدوها


ينـوح أوينعي بن حـامي الحميـــه ... يبـويه شـــــــلون بَعدك منهو ليه


يريت أعداك هشموا بويه صـدري ... مصاب حسين هدم ركن عمري


************


شفت راس أبن أبويه يلوح عالعالي


ينــــاديني يزينب بيــدچ أعيــــــالي


أنه أدري عليچ تتكالب ليـــــــــــالي


تره بغيــــرچ يحــره كَل أمل مــالي


يخويـــــه ويـاك ماخالفت عهــدي ... هالعيــــال وِديعَت طه جــدي


أنه بهالحــــــال لله تركت أمري ... مصاب حسين هدم ركن عمري


************


خادم آل البيت (ع)


سـعد مطلوب الخفاجي


لنــدن 2010
سيد عدنان الحمامي
04-12-2011, 03:11 PM
احسنت سيدنه واحسن الشاعر الاخ العزيز

حجي سعد مطلوب

ااسئل الله لكم العافيه لتواصلون هذه الخدمه المباركه لمحمد وال محمد ص

تحياتي ودعائي
خادم خدام الزجيه
07-23-2011, 06:34 PM
احسنت كثييييييييييير وربي يتقبل منك كل خيييييير سيدنا الغالي

وشكرا للشاعر الورد سعد مطلوب

الذي امتعنا بقصائد الولائيه من افراح واحزان آل بيت النبوه

وسئل الله لك ولشاعرنه الورد دووام التوفيق والسداد في هذه الخدمه

المباركه

وتقبلوا مروري

تحياتي ودعائي
علي هاشم البدراوي
07-24-2011, 01:11 AM
اسئل الله لك ولشاعرنه الورد دووام التوفيق والسداد في هذه الخدمه

المباركه

وتقبلوا مروري
محمد أبورغيف
07-27-2011, 05:22 PM
احسنت شاعرنا المبدع
سعد مطلوب
واجرك الباري على قصيدتك الموثرة
بحق العقيلة ام المصائب
ولا ننسى شكر السيد الجليل سيد حسن الحسيني
لنشره القصيدة