دكاكين السعاده للشاعر ابو ظاهر البركي

[ابو ظاهر البركي]

دكاكين السعاده



كنت ابحث عن دكاكين السعادة

بلكن اشريلي فرح

وحته لو بس ابتسامه
*****

خذني وكتي وذبني

يم سوك البواجي

هناك راووني نموذج,

من فرح بس جان باجي

فرح يبجي؟؟؟؟

ردت انشده وبلكي يحجي

صاح اه وكام يشجي

ولازم بايده حمامه
*****

لازم بايده حمامه
عينها بلون اليتامه

خلو جتاف بجنحهه

حته متعيش بسلامه
*****

عفته يبجي ورحت امشي

بس شفت بالسوك كلشي

ناس صامت حته تشبع

وناس بس بالضيم تبلع

نامت بسجن الرصيف

وتنتظر بالعفو تطلع

وصلت البيع الحصير

لجن ماباعت ضمير

حته متشوف الندامه
*****

بس شفت اجساد فوك

معلكه بآخر السوك

وناس منها تريد ضحكه

بلجي ضحكتها تبوك

معلكه بحبل المشانق

لكن تنكط كرامه
*****

شنه شفتوها عجيبه ؟؟؟

ياعجيبه ؟؟؟؟

مو اكو من باع دينه

بس يظل مليان جيبه؟

ومو اكو من شره العز

بروحه هم هاذي غريبه؟؟

هذي يمكم كربله ....
رغم المصيبه

حسين بيها باع روحه

حتى يرضه عليه حبيبه

وانطه ربه حت رضيعه

لجل ان يصون دينه

وزينب اتنخت باخوها

كال ابشري ودز يمينه

ودز يساره حتى ماتغتاض اخته

ورادهه بنص الليالي تبجي سكته

وحتى مايطلع دمعهه

انطاهه عينه

وباع روحه احله بيعه

وجسمه ضل يم الشريعه

اشتره بروحه الجنان

وحته يرضه عليه امامه

*****

شكرت ربي علهدايه

خدمة حسين النه غايه

نبقه يم سوك البواجي

والفرح بس بالخدامه




خادم اهل البيت
ابو ظاهر البركي

[الشاعر سراج السلطاني]

جدا رائع استاذ ابوظاهر الصورة والمفردات والطريقة ماشاء الله دمت بخير ياعزيزنا المبدع

[سيد عدنان الحمامي]

احسنت ووفقت ان شاء الله

اسئل الله لكم ولنا العافيه ان شاء الله

وربي ايبارك في جهودكم ويرزقنا واياكم

شفاعة محمد وال محمد ص

http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif
ابو ضاهر البركي


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم

[عابس الشاكري]

http://photos.azyya.com/store/up1/080603162156qRo1.gif

http://fashion.azyya.com/user12598-albums32-picture2436.gif



http://photos.azyya.com/store/up1/080401174105yopx.gif (http://fashion.azyya.com/redirector.php?url=http%3A%2F%2Fwww.3tt3.net%2Fup4 )

[نورجهان]

http://up13.up-images.com/up/viewimages/ca55816eaf.gif (http://fashion.azyya.com)