لاتقول الموت قيد بوالفضل

[علي313]

لاتقول الموت قيد بوالفضل * نايم وزينب سبوها ابلاعمل


لاتضن صعبه على الكافل رجوع * ولاسبي الحره على قلبه سهل


شلون جازت خيته بضعون الهزيل * ومرت اقباله ولا زم النصل


هو عباس ابعلي اعظم كفيل * جا يعوف اوخيته بكفالة نذل


فكري محتار بقضيته ومن يميل * راد جن هودج عزيزه وينعدل


لن وعي صوت الحقيقه من خيال * وبالوعي كل الحقيقه تنقبل


مصيبة الحره توضحها البتول * ومن صبر حيدر يجاوب بوالفضل


اي نعم نحجي على افق الخيال * لان ساعات الذهانه ابلا امل


ارد اسألك واعرف ابمعنى السؤال * جا حقيقه هو عباس انجتل


وجا حقيقه حسين بالطف وذروه * والخيول ابدمه صارت تنتعل


ولا تقلي الروس صارت عالرماح * وزينب ابذيك المهانه تنحمل


شلون صارت هالجرايم بالطفوف * وحاظر العباس عدها ولازعل


لاتقلي اطفال مذهوله تصيح * ويلحق اعليها ويسلبها الفشل


لاتقلي النار شبت بالخيام * والقمر عالشاطي بدره مكتمل


لاتقلي من كتر طايح صريع * وصال بخيام الوحي لات اوهبل


لاتقلي ولاتقلي ولاتقلي * شما تقلي رد جوابي ماحصل


لان عباس اللذي هز الطفوف * يبقه زلزاله الى يوم العدل


انا قلك شالحصل في كربلاء * شلون غيم الموت خيم من نزل


زم جوده الماي رايد للفرات * وهذا من صالح عدوه عالبطل


لان لوكان الاذن صوب النزال * جا جثثها مطشره من كل محل


لكن المقصد عذب يروي الخيام * وهذي طلبه من ابن مير النحل


ولو طلب لحسين عباس اشيقول * خله روحه امقابل الطلبه بدل


الحقيقه جيش اميه منفني * والخيال ايقول مجتول الفضل


الحقيقه اتقول زينب منسبت * والخيال ايقول ركبوها الهزل


الحقيقه اتقول جاز الها الفرات * والخيال ايقول عطشان الطفل


الحقيقه اتقول منصاب الحسين * والخيال ايقول ماخلوا محل


الحقيقه خلدت طفها انتصار * والخيال ابهالنصر خلد سجل


الحقيقه بالطفوف اويالخيال * كل كلام الى بروايتها انقبل


هو محد يحصه بلسانه الكمال * وكل مصيبه باية الطف تكتمل


ولا احد يقدر يلم فكر الطفوف * ويروي بكتابه عليهم ماحصل


الفجيعه عظمه يرويها الاله * يوم حشر الناس في ذاك المحل


من تجي الزهره وعلى جفها الجفوف * وياصبرها شلون فاطم تحتمل


لاتقول الموت قيد بوالفضل * نايم وزينب سبوها ابلاعمل


لاتضن صعبه على الكافل رجوع * ولاسبي الحره على قلبه سهل


علي الحمود


11/3/2012

[عابس الشاكري]

مشاء الله مشاء الله

جميل جميل

ايها الشاعر ربي يعطيك العافيه ان شاء الله

والتفوق في خدامة ال بيت رسول لله

لك احترامي

[خادم خدام الزجيه]

جميييييييله جدا جدا جدا الله ينطيكم الصحه والعافيه

لكي تتواصلون في هذه الخدمه المباركه والجليله

ونحن ننترقب منكم كل جديد من ابداعتكم المتواصله والمميزه

وسئل الله لنا ولكم حسنه الخاتمه

[سيد عدنان الحمامي]

جميله هي المفردات والنظم اجمل
احسنت
و
موفقين

وايبارك بجهودكم



http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif

حجي علي الغالي


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم

[محمد أبورغيف]

احسنتم اخ علي
وبارك الله بكم وربي يوفقكم ويرعاكم
ويتقبل خالص اعمالكم
ولا يحرمكم اجر خدمة سيد الشهداء عليه السلام
ابيات روعة طيب الله انفاسكم

[عابس الشاكري]

http://www.galele.com/up//uploads/images/galele-c8fd44fb99.gif


http://www.galele.com/up//uploads/images/galele-c87e6f09d3.gif


http://www.galele.com/up//uploads/images/galele-a41d0e0598.gif