انه العليله شلون عفتوني بالدار --- سيد مالك الياسري

[السيد مالك الياسري]

ااااااانه العليلـــــــه شلون عفتونـــــــــي بالدار
يابويــــــه كلبــــــــي عليك ظل يستعر نار
********************
يابويــــــــه للركبان مشبوحــــــــــه عيني
اتنطـــــر الاخبار منكـــــــــم تجينــــــــي
ومن المــــــــرض يحسيـــــن زايد ونيني
وعيونــــــي تجري عليك يابويــــــه مدرار
*******************
يابويـــــــه روحي اليوم مشتاكـــــه وتلوع
كلبـــــــي استعر نيران مالمتـــــــه ضلوع
مابيها ماي العيـــــــــن دم تجري الادموع
يابويــــــــه شحم العيـــــن ذاب ودمع صار
*******************
اشكيلك من الـــــــــروح نافذ صبــــــرها
والعله بويــــــــه حسين تعرف خبــــرها
وسط الكلب نيــــــــران ساعر جمــــرها
من صغري بويـــــه حسين بيه الوكت جار
******************
ماظل صبـــــر بالـــــروح مابيها كل حيل
اتنازع وي المــــــــوت كلما يجــــي الليل
حدر الضلع جمــــــــــرات والمدمع يسيل
وي روحي يسري الموت حست بالاخطار
*******************
عبدالله بويـــــــه اليـــــــوم جاي عله بالي
ازحف وطب للدار ومجانــــــــه خالــــي
بيه سلوتــــــــي عله الحال وابيش اسالي
ظليت اسلي الــــــــــــروح بالهم والافكار
*******************
متعوده بويـــــــه عليك كل يــــــوم اشوفك
واتصـــــــــور انه شلـــــــون اكدر اعوفك
ادري السفــــــــــر لبعيد وعليـــــــه خوفك
بويه الهجر جتال وحشـــــــــــه امست الدار
*******************
كل ليله انــــــــــور الدار واشتــــــــــــم مكانك
واسمــــــــــــع صدى الترتيل واسمــــــع اذانك
وبكلبــــــــي لوعــــــــــــه عليــــك فاكد حنانك
واتعاتب ويـــــــــــــه الدار يادار الاخيــــــــــار
*******************
ياريـــــــــــح اخذ وياك ليهــــــــــم سلامـــــــي
لبن الزجيـــــــــــــه ارجـــــــــوك احمل سلامي
تدري عله طفل حسين شوكــــــــي وهيامــــــي
مر عله مهده وجيــــــــب من عنــــــــــــده تذكار
**********************************************
خادم الحسين (ع) سيد مالك الياسري

نسألكم الدعاء

[سيد عدنان الحمامي]

موفقين

وايبارك بجهودكم


http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif
سيد مالك الياسري


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم

[محمد أبورغيف]

احسنتم وبارك الله بكم وربي يوفقكم ويرعاكم
ويتقبل خالص اعمالكم
ولا يحرمكم اجر خدمة سيد الشهداء عليه السلام
ابيات روعة طيب الله انفاسكم