شبل ابو اليمه ----- سيد مالك الياسري

[السيد مالك الياسري]

للأمام السجاد {ع}
دخل يم شبل أبو اليمه الثمالـــي وبكلب مهمـــــــوم

يكله أرحـــــــم بحالك وأدري بكلبـــــــك المالــــوم
****************

يكـله يا أبـــــو الباقر أبو حمزه بدمع مسفــوح
أدري بكلبك مكطــع ودليلك بالألم مجـــروح
لكـــن سيدي تــدري مذموم النحب والنـــوح

وانته يا ذخــــــــر هاشـــم نــــوحك هيـــــج الـــــوادم
واتهيــــــــج جــرح زينب وجرح الحره يجري دمـــوم
****************

واحد من فكــــد يعقوب تعرف حـــزنه وهمومه
وانه الشـــاهدت عينــي حالة اهلــــي بالحــــومه
كظوا وعيوني تنظرهم ضحايا عله الترب نومه

وانه بها الوضـــــع تدري على حسين انكسر ظهري
من شفت الوجه مخضوب ومصيوب بسهم مسمــوم
****************

يعمـــي اللي جره علينه بــوادي الطف يهد جبال
شفت بعيوني مصرعهم وهظم يا عمي ما ينشال
وحــالة عمتـــــي زينب يعمــــي تفطــــر الدلال

وتدري بيا وضع صارت وعليــها الحــــــــرم دارت
حارت بالحــــــرم والنار من دارت عليـــــها الكــوم
*****************


انه بعينــــي الألم شفته وشفت حالة رضيع حسين
كطع سهم الغدر نحره وتصوب من مرامي البين
وشفت يم النهر عمـي طريح مكطـــــــــع الجفين

شفت حال الكفل زينب طريح عله الثـــرى متــــــرب
انوح عله الكمر عباس وحيلي عله الكمــــــــر مهدوم
*******************

يعمي اللي هدم حيلـــي ويزود ونتــــــي ولوعـــي
حالة والدي اوضعــــه كسر كلبي وطوه ضلوعي
يعمي ونوحي شيسكته ويسكن حسرتي وروعـــي

الحوافر كسرت صدره يعمــــي وكلبي شيصبـــــــــره
اشوفه عله الرمل عاري ومن ماي العذب محـــــــــروم
********************

يعمي وما شفت لوعــه مثل لوعــــــة سبي الخـــدر
سبيه عله الهزل زينب وكســـــــر دلالي ما يجبـــر
وضعنه وطبة الكوفــه مدامـــــــع بالصخـــــر فجر

وكلســـا تنفكــــــد طفلــه وطفل يرمـــــونه بالنبلـــــــــه
يعمي وكلبي ضل مدمي ودمعي يضل يصب دمـــــــوم
***********************************************
خادم الحسين {ع} السيد مالك الياسري


　

[سيد عدنان الحمامي]

جميل جدا

ربي ايبارك بجهودكم


http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif

سيد مالك

لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم

موضوع جميل بمعلومته

اسئله لكم الامن والامان والعافيه

ان شاء الله

لكم منا تحيات ودعاء

وربي يرعاكم ويخليكم

[محمد أبورغيف]

احسنتم مولاي بارك الله بكم
قصيدة روعة