يحسين انظر للسجاد --- سيد مالك الياسري

[السيد مالك الياسري]

يحسيــــن انظـــر للسجاد يــــم جده اليـــــوم الميعاد
والزهــره تنـــــوح بلحده مسمــــوم اتكطـــــع جبده
يــــم جده اليـــــوم الميعاد
******************
يحسيـــن ابو الباقر كضـــه باللوعه يم جده اندفن
بلحده الزجيه ونظرته مدمعها ضل يجري وتحن
المها حــــالت جبدتــــه واتذكــــرت جبد الحسن

يم جده ويشكي اللوعات الام الطف والاهــــــــات
يشكـــــــي الالام العنده مسمــــوم اتكطــــع جبده
يـــــم جده اليــــوم الميعاد
******************
سجادك بلوعــــــه والم عد جده يــــروي الواقعه
بالمعصم يشـــوف النبي مرسومه صورة جامعه
وسوط ال اميه وضربته بمتونه واضح موضعه

من يروي تخر الدمعات وصــعدت بالمدفن انـات
ونه من الزهـــره وجده مسمــــوم اتكطـــع جبده
يـــــــم جده اليـــوم الميعاد
*******************
ياجدي اسمـــع قصتـــــي يحجيله حال الالمـــه
هدتنـــي حالة والــــدي واطفاله والام الضمـــه
لمن وكــــع فوك الترب ياجدي مخضوب بدمه

ياجدي ومــــرت ايام كـــــامت تتــواله الالام
يـروي ودمعاته بخده مسمــــوم تكطـــع جبده
يــــــم جده اليــــوم الميعاد
*******************

　
　
　
　
لو عن شبيهك سائلت بالحــومه جثه مطبـــــره
لم حضــــرته لدفنته مكطع لكيته عله الثــــــره
نزلته بيدي لحفــــرته توسد يجدي بمنحــــــره

يا جدي شكد شلت هموم تدرينــي بكلبـــي المالوم
شافت شجـــم شده وشده مسمـــوم اتكطـــــع جبده
يــــم جده اليـــــوم الميعاد
******************
عن كمـــر هاشــم لو ردت تعرف مصابه وحالته
كافل ضعن زينب وكـــــع عالشاطي كامت رايته
جوده عله الشاطي العلكمي كطعوا يمينه ويسرته

كطعوا من عباس جفوف عمي الجان يخوف الخوف
يتمنــــــــه لجفـــــه يرده مسمــــوم اتكطــــــع جبده
يـــــــم جده اليــــوم الميعاد
*******************
لمن ذكــــر حال اليســــر وامه الزجيـــه تسمعه
مامثله مر عله البشــــــر لا مثله صارت فاجعه
من شفت ابويه وحالته فطر دليلي بمصـــــرعه

مذبوح وعاري ومسلوب لو شفتـــــه الدلال يــذوب
وعلينه الطاغــــــي تعده مسمــــوم تكطـــــــع جبده
يـــــــم جده اليـــوم الميعاد

**********************************************
خادم الحسين (ع) سيد مالك الياسري

نسألكم الدعاء


　
　
　
　
　

[سيد عدنان الحمامي]

جميل جدا

ربي ايبارك بجهودكم


http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif

سيد مالك

لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم

موضوع جميل بمعلومته

اسئله لكم الامن والامان والعافيه

ان شاء الله

لكم منا تحيات ودعاء

وربي يرعاكم ويخليكم

[محمد أبورغيف]

احسنتم وبارك الله بكم وربي يوفقكم ويرعاكم
ويتقبل خالص اعمالكم
ولا يحرمكم اجر خدمة سيد الشهداء عليه السلام
ابيات روعة طيب الله انفاسكم