وينك علي يبني ..... ((ليلى +علي الاكبر ))..............قصيدة لطم

[محمد أبورغيف]

((المستهل))



يمه الدهر ذبني .... وينك علي يبني

يالشوفتك عيدي .... يالرحت من ايدي

وينك علي يبني

**************
أنه أمك وتدري الگلب ....عالوالده شيصبره
أسم الله يربي أعله الولد .... مهجة علي والزهره
گلبي أنبهت حس أبخطر .... وصار أبلهيب الجمره
بيا حاله شفتك عالترب .... امعفر اعله الغبره

؟

ياثمر دلالي.... كوم انظر الحالي

ياحصرتي زيدي.... يالرحت من ايدي

وينك علي يبني

**************
تذكرني يالرحت ابسفر.... يايمه لو ناسيني
يوليدي ما انسه الربه.... شما اذكر ايسلني
ظميتك ابهرش الگلب ....وحرستك ابلب عيني
ياخيمه وتفي عليّ .... وياشمعه تضوي اسنيني

؟

رسومك ترد روحي.... ويا ضمد لجروحي

سلوتي بوحيدي.... يالرحت من ايدي

وينك علي يبني
**************
ياللبست لام الحرب .... عازم تريد الحومه
لوني انخطف من باوعت ....ناوي على الملزومه
تودعني وتسلم علي.... وفكري سرح بهمومه
شحالك يـگلب الوالده ........أعله الولد مهضومه
؟
تتوجس افكاري .... وماتطفه ضن ناري

والحزن ترديدي .... يالرحت من ايدي

وينك علي يبني

**************

من طب عليه والدك .... يستعر جمر أدليله
بعيونه هسيت الخطر.... گلي اندعي يا ليله
أرفعت اديه للسمه ....ولله هدلت الشيله
بحگ الغريب وغربته ....رد ابني سالم حيله

أبصبر ابو اليمه.... الاكبر اتسلمه

واندعي وشلت ايدي ....يالرحت من ايدي

وينك علي يبني
**************

أباب المخيم والدك ... وعيني عليه أمنظره
لوهيست لونه أنخطف .... أنشدته عن اليجري
يگلي العطش يم الولد.... أبگلبه يلهب جمره
وانخيته يا رب العرش ....من عمري انطي العمره

؟

يالمفرج اليعگوب ....ومحقق المطلوب

وترد الي أوليدي ....يالرحت من ايدي

وينك علي يبني
**************

بيده جلب راس العدو.... وبجيته سر الوالد
گالو اجه أمن المعركه ....يسلم على امه رايد
گلبي توجس وأفگدت ...والعگل مني شارد
ضميتك أبصدري وصرت ماشوف غيرك واحد

؟

ياروح گلب أمك ....ريت الجفن ضمك

يا ونتي هيدي يالرحت من ايدي

وينك علي يبني

**************

أسئلكم الدعاء
بقلم محمد ابورغيف

[سيد عدنان الحمامي]

موفقين عمي وربي ايعافيكم

وايبارك بجهودكم


http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif
سيد محمد ابو رغيف


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم

[محمد أبورغيف]

الشكر والعرفان لمرورك الرائع
سيدنا الغالي
وبصمتكم الكريمة اشرقت في الصفحة
دمت برعاية الله ورسوله وال بيت رسوله ((ص))
تحياتي وفائق الاحترام