آبوذيات في مدح الائمة

[المعارف]

آبوذيات في مدح الائمة,, اللهم صلي على محمد وعلى ألـ بيت محمد,,

في مدح أمير المؤمنين علي بن أبي طالب (عليه السلام)

http://www.ct-7ob.com/vb/imgcache/115995.png

نفوس اهل الضغاين من فتاها

وفــتوات الملاحـــم مــن فتاها

أنـــشـــدك عن الامه من فتاها

ويـــا هــو الرفع رايتها العليه

* * *

في مصاب الطاهرة فاطمة الزهراء (عليها السلام)

مضـــرار الـــدهر للــزهره ولاهي

وگـلــبــها حگـه لو يــجزع ولاهي

لا هي الحــظت بالـــهادي ولا هي

تخلصت مــــن افـــعال الجــــاهليه

* * *
في مصاب الإمام الحسن بن علي (عليه السلام)

فـــرح ما شفت طول العـــمــر بسـهام

ومســـيل الدمع ظل يــسيل بـــســـهام

الحســـن نعشه وسافه انرمــه بسهام

ومنعــــوا دفــــنه يــــم ســيـــد البريه

* * *

في مصاب الامام الحسين بن علي (عليه السلام)

http://www.ct-7ob.com/vb/imgcache/115996.png

العـــلـه عــاف العله شانه ورحلك

وزمانك ما صـــفــه ساعه ورحلك

تــگـــطَّع جســـمك الطاهر ورحلك

تـــوزع شـــمله مـــا بـين آل اميه

* * *

ندبة للامام الحجة بن الحسن (عجل الله فرجه)

http://www.ct-7ob.com/vb/imgcache/115997.png

يـــبو صالـــح نـجومك علن وفلان

احــــل ويــــاك حبــل العتب وفلان

دينــــك طـــاح بيــــن فــلان وفلان

انـــوله لاچــن ولـــوه اشلون وليه

* * *

دليـــلي ابسـهم يبن الحسن مرمي

وعليك الدمـــع دم ايــســيل مرمي

ديـــنــك بيــــن هـــذا وذاك مـرمي

اجـــنـــازه ابلا أهـــل ظـــلت رميه

* * *

خطاب العقيله زينب لاخيها العباس (عليه السلام)

http://www.ct-7ob.com/vb/imgcache/115998.png

الــگــلب بـــالعزم صبــرته ومنته

وفرشته اعله الترب يـــمك ومنته

منته الكـافــــــل ظعـــوني ومنـــته

الجبتني وياك ليـــش اگــطعت بيه

* * *

اهمومي هموم فوگ الگلب منتل

وســــبّاح الـــدلـــيل إعــليك منــتل

گـــوم ارجــعــنه يـــا عباس منـتل

جبــتــــنه ويــاك لـرض الغاضريه

* * *

الـــدهر شتـــت شـــملنه بالظعينه

ودلـــيــلي سيـــوف اميه بالظعينه

وســافه الــشــمر يحدي بالضعينه

وابـــو فــاضـل عــلى الغبره رميه

* * *

يعــــباس اســتــمع عـتب ولا ماي

غـــريــبه وزادت ابفگدك ولا ماي

مهــجــنه بالعـطش تلهب ولا ماي

يخـــمد جـــمر لــوعتــــنه السريه

* * *

عن لسان حال الصابره ام البنين (عليها السلام)

الـــليالي ما اصــدلهن ولا عــــون

دعـتني لا ضمد عندي ولا عــــون

لا عـــباس لا جعــــفر ولا عــــون

ولا عثـــمــان كـــلها اگــطـعت بيه

* * *

خطاب زينب لأخيها الحسين (عليه السلام)

http://www.ct-7ob.com/vb/imgcache/115999.png
يـــبو الــسـجاد گلي شصار وجره

أهــيّــس نــار حـــدر الظـلع وجره

يگـــلــها الطفـــل دمـه سال وجره

رضـــيــع وفــطــمته سـهام المنيه

* * *

عن لسان حال ام كلثوم في غربتها

رهــــيــف العــسر لظلوعي حدبها

وشبيه الگوس والحـــاجب حـدبها

الظعاين عگـــب حـــاديها حدبـــها

الشمـــر وايـشومر ابسوط الرزيه

* * *

لسان حال الامام زين العابدين (عليه السلام)

http://www.ct-7ob.com/vb/imgcache/116000.png
اون ونحـــب وانـوحن وحن ويهاه

على الراح وچـــبـدتي ابنار ويهاه

الي والد شــبــيــه البـــدر ويـــهاه

الـبـدر عجـــبه ايــتوسد عــالوطيه

* * *

في شجاعة مسلم بن عقيل (عليه السلام)

بـــنه بـــيت العـــزم سيفه وحيفاه

عجيد ويدوي بالـكـــوفه وحيــــفاه

اخـــذ مـــن الخــصم حگـه وحيفاه

وغـفـت عــينه على سروج المنيه

* * *

خطاب سكينه بنت الحسين (عليه السلام) مع عمها العباس (عليه السلام)

لســـاني يلـهج باسمك ورديت

وعساني مثـــلك اتوذر ورديت

اجيـتك للنهر انحــب ورديـــت

خفــــت لــن النهر يشتمت بيه

* * *

خطاب الرباب لولدها عبد الله الرضيع

ضمـــيري ابكعـــبة المحنه يطفلي
ومهجتي من تشـــب دمعي يطفلي

آنـــه امـــك واهـــز مهــدك يطفلي

نســـيـت امصـــوب ابـسهم المنيه

* * *

خطاب رمله لولدها القاسم بن الحسن (عليه السلام)

يجـاسم يـــبني حيلي عليك دمعاي

ودلـــيلي بــالنحب والـنوح دمعاي

اشلون اصبر وانشّف سيل دمعاي

وشفـــت دمــك يسيل اعله الوطيه

* * *

خطاب ليلى لولدها علي الأكبر (عليه السلام)

راســـي علـيك يالاكبر يشبلاي

وجمر فگـــدك ابدلالي يشبلاي

لوين أبعدت عــن امك يشبلاي

وعفتني بالغـرب واگطعت بيه

* * *

خطاب الطفله العليله لدار الاهل والاحبه بعد الفراق

الفـــلك مـــا يعتدل بالعكس يا دار

ولا ينشف دمـــع عــيـــناي يا دار

يــــدار الاهـــل اهــلـچ وين يا دار

گـــولـــي ولا تــخــليها خـــفــــــيه

* * *

جواب الدار لها

يــــهالتنشد عـن اهلي وين ماوين

تعنّوا كـــربـــله والظـــعن مــاوين

اشـــتــظن گـلبي عليهم ابد ماوين

يون وينوح كـــل صــبح ومـــسيه

* * *

خطاب الطفله حميده مع والدها مسلم بن عقيل (عليه السلام)

زمـانــي عگـب عينك سلمتني

او راحـــات النــوايب سلمتني

رحــت عــدمن يـبويه سلمتني

يــتــيمه ويـا شهم وصيت بيه

* * *
تعجز الاقلام عن الايفاء بحق ال بيت النبوه ولكن كان هذا جزء بسيط من سرح في عالمهم صلوات الله وسلامه عليهم

[سيد عدنان الحمامي]

ربي ايسلمكم ويرعاكم

جميل مانقلتم

حماكم ربي

بس لو ذاكرين اسماء الشعراء كان اجمل بعد




http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif


المعارف


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم


اسئله لكم الامن والامان والعافيه

ان شاء الله

لكم منا تحيات ودعاء

وربي يرعاكم ويخليكم

[محمد أبورغيف]

اللهم صل ِ على محمد وال محمد
طيب الله انفاسك حبيبنا واخونا الكريم
المعارف
على هذا النقل الموفق
لهذه الابيات الرائعة وفقكم الله لكل خير
وارجو ان تاخذوا ما اشار اليه السيد الحمامي بشاء نشر اسماء الشعراء
بنظر الاعتبار
تحياتي وخالص الدعاء

[المعارف]

شكرا لموروركم الكريم انشاءالله على الجايات ربي يديم وجودكم الرائع