السيد مالك الياسري
11-25-2011, 09:30 PM
شلــــــون الك عين وتهل وي الشهور وانته بيك اتجمع الهم والحزن
يا وكــــــح عينك يعاشـــــــور وتعود وانت شاهد عالملاحــم والفتن
انته شاهد ملحمة يـــــــــوم الطفوف المثله ما مرن مصايب ما جرن
عمت عينك لا خجلت ولا استحيت وبيك يا عاشـور جم كوكب طفن
شلون تقبل غيرتك كونك غيور تشــوف جسم حسين عاري بلا جفن
وعينك اتشوف وتصد خيل الطغاة فوك جسم حسين واضلوعه انحن
وبسنابك خيلهم جســــم الشهيد من سحكها اعظام صـــــدره اتهشمن
ليش يا عاشـــــور ما هـــــزك ونين ولا حنيـــــــن الفاطميات البجن
من يندبن ويل من حــــر الجبود من عطشهن ذاك للبــــــاري اشتكن
جا نزعت ايامك وفــــــوك الخيام تصيــــــر غيم ايامك ودمعك مزن
وجا شلت ماي الفــــــــرات ابين أديـــك ومن أديك الفاطميات أرتون
وايدك تحطهه تحت خد الرضيــع من العطش غارن عيونه وغمضن
بلكي برد أيدك يعوضــــه ويستريح شنهي ذنب اوداجه بالنبله انجون
ويا جلد كلبك يعاشـــــور وتشوف راية العبـــــاس والجـــــود انطون
بكل وكاحه وما يهزك كل شعور من تشوف اجفــــــوف اديه اتكطعن
والأشد والأصعب المر بالطفوف تشـــــوف زينب والنساء من انسبن
بس حـــــرم للشام ربات الخدور شلـــــــون من خلن الوليان ومشـــن
ومرن على اجسادهم فــــوك الصعيد بلايه روس وبالسيــوف اتخذمن
ومن وصل لحسيـــــن حاديها الظعون فوك جسم احسين للكاع ارتمن
عفيه بيك شلـــون كلبك ما نخاك وكمت دون حسيــــــن غيرت الزمن
جا ثـــــرت بركان حشمت الشهـــــــور وتدري حته ايامهن يتغيـــرن
وتكـــــدر انته اتفزع السبعه الطباق وهن لجل حسين كلهن ينطـــــون
وانته يا عاشـــــور جاي ترد جديد شلـــــون وكحه عيونك وما يستحن
روح يا عاشــــــور دورلك بديل وشوفلك موطـــــن بعيـــــد واندفـــن
وحتــــــه بطن الكــــاع متقبلك تغيض ولك يا كـــــــاع التضمك يا بطن
**********************************************
خادم الحسين {ع} السيد مالك الياسري
يا وكــــــح عينك يعاشـــــــور وتعود وانت شاهد عالملاحــم والفتن
انته شاهد ملحمة يـــــــــوم الطفوف المثله ما مرن مصايب ما جرن
عمت عينك لا خجلت ولا استحيت وبيك يا عاشـور جم كوكب طفن
شلون تقبل غيرتك كونك غيور تشــوف جسم حسين عاري بلا جفن
وعينك اتشوف وتصد خيل الطغاة فوك جسم حسين واضلوعه انحن
وبسنابك خيلهم جســــم الشهيد من سحكها اعظام صـــــدره اتهشمن
ليش يا عاشـــــور ما هـــــزك ونين ولا حنيـــــــن الفاطميات البجن
من يندبن ويل من حــــر الجبود من عطشهن ذاك للبــــــاري اشتكن
جا نزعت ايامك وفــــــوك الخيام تصيــــــر غيم ايامك ودمعك مزن
وجا شلت ماي الفــــــــرات ابين أديـــك ومن أديك الفاطميات أرتون
وايدك تحطهه تحت خد الرضيــع من العطش غارن عيونه وغمضن
بلكي برد أيدك يعوضــــه ويستريح شنهي ذنب اوداجه بالنبله انجون
ويا جلد كلبك يعاشـــــور وتشوف راية العبـــــاس والجـــــود انطون
بكل وكاحه وما يهزك كل شعور من تشوف اجفــــــوف اديه اتكطعن
والأشد والأصعب المر بالطفوف تشـــــوف زينب والنساء من انسبن
بس حـــــرم للشام ربات الخدور شلـــــــون من خلن الوليان ومشـــن
ومرن على اجسادهم فــــوك الصعيد بلايه روس وبالسيــوف اتخذمن
ومن وصل لحسيـــــن حاديها الظعون فوك جسم احسين للكاع ارتمن
عفيه بيك شلـــون كلبك ما نخاك وكمت دون حسيــــــن غيرت الزمن
جا ثـــــرت بركان حشمت الشهـــــــور وتدري حته ايامهن يتغيـــرن
وتكـــــدر انته اتفزع السبعه الطباق وهن لجل حسين كلهن ينطـــــون
وانته يا عاشـــــور جاي ترد جديد شلـــــون وكحه عيونك وما يستحن
روح يا عاشــــــور دورلك بديل وشوفلك موطـــــن بعيـــــد واندفـــن
وحتــــــه بطن الكــــاع متقبلك تغيض ولك يا كـــــــاع التضمك يا بطن
**********************************************
خادم الحسين {ع} السيد مالك الياسري