قصائد للشاعر محمد عجيد الكناني

[علي هاشم البدراوي]

على باب الحزن دكيت انه الباب
ومن دكيت بابه اشتد الصواب
______________
ابحزني ابكيت انه احرك بروحي
على الوليان ماتنشف جروحي
كثر همي ومصابي وزاد نوحي
ومصيبة كربلا هيجتلي لمصاب
________________
بكيت محيره وفاكده الهمه
وبنحر الاخو كل ساعه اشمه
رقية تكلي ابويه راح عمه
المن التفت من يسوه العتاب
________________
حزن الصابني وعاباني دهري
ظلت لوعة اليتم خويه من صغري
كلبي تجزع ابظيمة وي عمري
ودري بدمك ايسيل اعله التراب
_________________
على ظهور الهزل ركبونه كوه
وعلي السجاد من علته أيتلوه
ابسفرتي هاي لاجن ماكوه خويه
متاني الوكت وي ذوله الاجناب
________________
المن التفت واديربالعين
(لاعباس يبرالي ولا حسين)
شما انظر الروس وياي سبعين
تدور بهالوكت ومابين الاتراب
_________________








الف وسفه والف ياحيف تنساني
من حزوا ركبتك موتي وافاني
___________
الظعينه من مشت ويه العده ياحيف
غصب عنه اجرعت حر وعطش بالصيف
بعد شتريد مني ياصليل السيف
لفاني الموت خويه اخلاف اخوتي
________________
يريت العمر بعدك لاحلة ولاطاب
ماانسه اللهيب الحركت الاطناب
ياابن الزجيه وخيرة الاصلاب
راح ابن البتول الحامي صيواني
________________
اتكفلت الحراير من وكع عباس
يريت ازنودي تتكطع يبو النوماس
غصب عني رحت وي زمرة الارجاس
اتنطرت الولي ياحيف ماجاني
_______________
ماضل عندي والي بس علي السجاد
الحديد الحز ركبته وجوية الاصفاد
عليل ومايحارب علته بالأجياد
ماينفع نياحي وهمي واحزاني




2
للمجلس وصلت امكدره روحي
يشتموني وحس تتهيج جروحي
ماينفع هضم الاحزان وي نوحي
عفت بكربلا اجساد خلاني
______________________
مصيبة كربلا ماتنمحي ابالي
مواقف حزينه احركت دلالي
خيامي احتركت وماضل كل والي
ماانسه الالم ابفكد ولياني

للشاعر محمد عجيد الكناني


الله يويلي شهالمصيبه
بيوم العاشر وزينب غريبه
_______________
اتحضرت للطم والبجي والنوح
اعله ابو السجاد دم من نحره ايفوح
المن التفت وليا جهه اروح
على الاجساد مطروحه وسليبه
________________
بحزن ضليت ادور عالحرم وين
والسجاد يبجي وتهمل العين
اعاين بس جثث مطروحه صوبين
ونه خدري انفكد ومنين اجيبه
_______________
شوف شصار بيه وبعد شيصير
حرم واطفال ماتكدر عالمسير
لون عندي جنح بيه اكدر أطير
وحط شجايه يم أمي الحبيبة
__________________
يطلبونك يخويه حسين ثارات
بجتلك فرحت الارجاس شمات
مصيبة كربلا يمحووه هيهات
اشلون انسه ليالينا الرهيبه
______________
قيدونه آسارى بين الاجناب
لاغيره ورحم عدهم هالاذناب
صحت بصوت وينك داحي الباب
بدرب الشام كعدونه بخريبه
___________________

عفنه كربلا واتوجهنا للشام
وراس ابن النبي يباري للايتام
محتارة ابزماني وجفني مانام
وقلبي سهام المصايب تصيبه
__________________
دخلت المجلس وروحي حزينه
صحت بصوت جاعباس وينه
انهض يخويه شوف اشصار بينه
وأخذ ثاراتك مربع ضريبه
للشاعر محمد الحاج عجيد الكناني
________________







ماضل لاحمه ولاوالي عندي
ماحسبتك تخليني وحدي
بيه اتشمت الناس
ماتنهض يعباس
_________________
انه زينب يعباس العقيله
سفرنه بعيد لاجن ماكو حيله
اصد لاوين والحسرة ثجيله
وعد الله علينه
خرجنه من المدينه
ودمعتي تسيل خويه فوق خدي
_______________
جنت مدلله بجالك يخوية
وبخدري تكفلت من راح ابويه
وهجمت خيل اميه ولهه دويه
وصحت الله واكبر وين اخويه
شيصير اشلون بيه
ماضل والي ليه
وزماني وكربلا وهالجيش ضدي
________________
اصيح بصوت وبعالي ونيني
يخويه الله واكبر ماتجيني
دخيل الله شحصل يابعد عيني
وعهد الخوه مابينك وبيني
ماتنهض يضرغام
محتاره بهالايتام
افاركم بعد ويطول فقدي
___________________
نشوف اسياط اميه فوق متني
وترضى الشمر فوكاهه يعتني
حر وشمس فوكاهه جوتني
سنين وضيم فوكاها لوتني
عباس اشتكيلك .. ياخويه دخيلك
ترى الارجاس والله وصلت حدي ,,

تمت ,, للشاعر محمد الحاج عجيد الكناني








ريتك يبويه لكربلا تتعنه وتشوف .. بنتك بالطفوف
حسين طاح ويه الكمر منه اليحاميها ,,
_____________
كربلاه هدمتلي حيلي عله مصاب الللي لفاني
وسهم اليعينك يخوي ريته صك عيني وعماني
ليلى تنشد ابو اليمه علي الاكبر مااجاني
ضليت الوج بوحدتي ,, فوكاهه حركوا خيمتي
يارب تدري بعلتي ,, اشلون حاربني زماني
ريتك يبويه تحضر وتنقذ هالاعيال مال الحمل مال
مالومه زينب عالجره من جور اعاديها
_______________
موقف الشافته زينب ماكو مثله ولا جره
حرم واطفال اتصارخ على اليوم موذره
ورمله تندب يبني قاسم والروح منه مرمرة
زينب وتنوح وتنتظر ,, والله مايسوى العمر
ماضل بعد عندي صبر ,, وروحي ضلت حايره
يابويه لو تدري الدهر والله كصه وياي بعدك يعيناي
مهضومة بنتك بالغرب وتبجي اعله هاليهه
____________________
ارد انشدج كربلا اشلون عمله عملتي بيه
اهل بيتي اذبحوا . الله ماشربوا اميه
وسكنه تصرخ وين عمي راح حماي الحميه
كلبي انطعن من القهر .. والكمر مرمي على النهر
ماجاز من عنده الشمر .. شمر جفوفه عليه
الله ياحامي الضعن ,والسهم بالعين وين التفت وين
اطفال وياهه الحرم كثرت بواجيها
________________________
ضلمت بعيني وصبحت وحشه عليه
وضيم المثلث عماني ضوك حسين المنيه
اطهرت ارض الطفوف من دم اولاد الزجيه
والله يبويه اشكد قهر .. كطعوا من حسين النحر
كلبي بعد مابيه صبر عالمصاب الصار بيه
سار الضعن ويه العده ,, لديرة غرب راح
وين العلم طاح
حرمة وغريبه بهالبلد منهو اليواسيهه
____________________
كربلا زيدت عويلي وفكد الاكبر من عويلك
وشفة الكطعت دليلي بيه يتكطع دليلك
والمصاب اللي لفاني انهدم من صبره حيلك
الله يابويه شبعد ,, سبي العيال بهالبلد
لا والي ضل ولاسند ,, راحوا الجانوا مثيلك
عملة ومصيبة هالوكت صارت ويصباي .. راحوا بعيناي
بنت الهواشم بالغرب ,و منهو اليباريهه
________________-
للشاعر محمد الحاج عجيد الكناني

[محمد أبورغيف]

مشكور اخوي الغالي
علي هاشم البدراوي
على النقل الموفق جزاك الباري الف خير
تقبل مروري وتحياتي

http://www.hanein.info/vb/imgcache/11/89679_hanein.info.gif (http://www.hanein.info/vb/imgcache/11/89679_hanein.info.gif)

[سيد عدنان الحمامي]

ربي ايبارك بجهود الناقل

والعافيه للشاعر

موفقين ان شاء الله


http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif

علي هاشم البدراوي


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم