ياعلي حسينك وكع بارض الطفوف -- السيد مالك الياسري

[السيد مالك الياسري]

ياعلي حسينك وكع بارض الطفوف انظــــــر لزينب عقيلة كـــربـــــــــلاء

ياعلي وينك حضرته ويه الصفوف خامس اصحاب الشرف واهل الكساء

انظر لزينب عقيلة كربلاء
*****************


هذي زينب والخيــــم مشتعله نـــار والحــــــرم مذعـــــوره لاذت بالفرار

مسلبه خدور النســه وماضل خمار وطافت خيــــــــول العده بخدر النساء

انظر لزينب عقيلة كربلاء
*****************


ياعلي انظر كربلا وشوف الحسين ماحضرتــــه اتمدده تغمضله عيـــــن

من وكع بالحومه مخضوب الجبين اغضبت لجله وبجـــت حتـــى السماء

انظر لزينب عقيلة كربلاء
*****************
ياعلي انظرشوف هالوضع الخطير من استجار الديــــــن ما حصل مجير

بالطفــــــوف الجثـه غسلها الهجيـر كطعـــــــوا الخنصر بعد سلب الرداء

انظر لزينب عقيلة كربلاء
*****************
هذا جســـم حسين ميدان الخيـــول هـــــذا للقـــــــران اسباب النــــــزول

تدري جسمه تمزق بحد النصــول صدره مرضــــوض بخيول الادعياء

انظر لزينب عقيلة كربلاء
*****************
هذا عباس اليشد عـــــزم الحسيـــــن شبلك عله الشاطـي مكطوع اليدين

من انطفت عينه انطفت لحسين عين تدري ظهر حسين صابه الانحناء

انظر لزينب عقيلة كربلاء
****************
حسبـــــــوا حيدر برز خاض القتال من نـــزل عبـــاس من حل النزال

صــــوته يرعد صاعقه تهز الجبال زلزل جيوش العده وحل البــــلاء

انظر لزينب عقيلة كربلاء
*****************
هذي سكنه تنادي عمي وجوده وين وهذا طفل حسين مكطـوع الوتين

هذا جاسم يم علي يحضنــــه بحنين حتى بالمــوت نرسم معنى الوفاء

انظر لزينب عقيلة كربلاء
*****************



　

　

　
حسين مرمي عله الارض عاري وسليب كلبه مصيـــــوب بسهم والخد تريب

هذا ريحانـــــــة رســـــــــول الله الحبيب شيبه مخضوب بنزف فيض الدماء

انظر لزينب عقيلة كربلاء
*****************
زينب تعنتله للحومـــــــــه وتصيـــــــح تركض ومن خوفها تكوم وتطيــــح

خويه كــــــــوم حسين من كونك جريح هذي خيــل اعداك خيـــــل الادعياء

انظر لزينب عقيلة كربلاء
************************************************** *******

خادم الحسين (ع) سيد مالك الياسري

نسألكم الدعاء

[سيد عدنان الحمامي]

ربي ايوفقكم سيدنا

احسنت واحسن الله اليكم


http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif

سيدنا الجليل


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم

[محمد أبورغيف]

طيب الله انفاسكم
سيدنا الياسري
احسنتم واحسن الله اليكم
تقبل مروري

[السيد مالك الياسري]

ممنون سيدنا محمد ابو رغيف نتشرف بمروركم سيدنا