مسلم غريب أبهالبلد ..... قصيدة(( كعدية ))

[محمد أبورغيف]

قصيدة منبرية (( كعدية ))

لمسلم أبن عقيل عليه السلام





(( المستهل))




مسلم غريب أبهالبلد ...... ياونه زيدي

لا ناصر ولا معتمد ...... ياونه زيدي

علوم المنايه الـي بدت.... بغدرة الكوفه الـعاهدت

ياونه زيدي



****************************
آه يا محنة سفير وآه ياروحــــــــــــــــه الغريبه
الما أله بالغربــــــــه ناصر وحده يتلـﮝـه المصيبه
لاﭽــن أصعب منهه وأهظم لو خذل صاحب أبنيبه
لوزامط أودﮚ الصدر وﮜـال آنه أبوكـــت العسر
أتحسبه بالشده ذخــــــر ويحضر الساعة العصيبه


ولو طعنه جتك بالضهر ...... ياونه زيدي
من صاحب أبساعت عسر ...... ياونه زيدي
هاي الامور اجسدت ....بغدرة الكوفه العاهدت
ياونه زيدي

****************************
ودت الكوفه كتبهه وأبو اليمه أعلن قراره
وشاف مسلم أهل ألهه وخيره من أهله وانصاره
حسين ابن عمه وأمامه قلده ثوب الســـــــــفاره
لحسين ماقدم عذر مسلم تأهب للأمــــــــــر
سمعاً وطاعه ومبتشر ونهظته بعزم وجداره

ســــاعات الموادع بدن ...... ياونه زيدي
مسلـم ســـــــرى بدرب المحن ..... ياونه زيدي
ودع حميده وماهدت.....بغدرة الكوفه العاهدت
ياونه زيدي
****************************
من وصل مسلم الكوفه مكلل أبتاج المهابه
ﮜامت توافد زلمهه حييته كلهه أبرحابه
وصلى بالمسجد الاكبر عن أبو الــيمه نيابــــه
صلو ورى سبعين الف لاكن جمع مآ مئتلف
بالشده يهتز يـــــرتجف هــألتناقض بي غرابه

الصادﮚ أبكول وفعل ...... ياونه زيدي
ثابت يضل لا ما يزل ...... ياونه زيدي
شحت الكوم الجاهدت ....بغدرت الكوفه العاهدت
ياونه زيدي

****************************
أجتمعت الكوفه أعله مسلم والامر شاعت أخباره
ويوم أبن مرجانه أﮜـبل تبتدي أول شراره
كتاب عزل الوالي بيده وطب على قصر الاماره
وﮜال أنه لي صار الامر والكل يطيعوني جبر
ولملم ربع من كل كتر وأحرف الحـﮚ عن مساره


وتضعضعت ذيج الهمم ...... ياونه زيدي
تنشرى وتنباع الذمم ...... ياونه زيدي
ﮜوم الظغينه أتعاضدت ...... بغدرت الكوفه العاهدت
ياونه زيدي
****************************
هدد أبن زياد واعلن جيش من الشام يوصل
رجت الكوفه السطوته وصار بيهه الخوف يحصل
وﮜــال كلمن وآلى مسلم راس عن الجسد يفصل
جراس الغدر ﮜامت ترن وصار الابو يرد الابن
لاضل عهد لا ضل وزن الخوف خلاهه أتحول

من مسجد الكوفه طلع ...... ياونه زيدي
مسلم اله محد فزع ...... ياونه زيدي
وين الرجال الواعدت ...... بغدرت الكوفه العاهدت
ياونه زيدي

****************************
مابگه ناموس عدهه الوادم ولاحته غيره
ضاگت الوسعه أعله مسلم بهألأمر صابته الحيره
ضل يدير العين وحده عافته أجموع الغفيره
ياســﭽـه يخطي يادرب ماضيــَّـفه بيت ويطب
صعبه الغريب الينطلب وما تصح يمه العشيره

وين العشيره أبياكتر..... ياونه زيدي
ياهو اليخبرهه الامر..... ياونه زيدي
خانت الـﮜوم الكاتبت .....بغدرت الكوفه العاهدت
ياونه زيدي

****************************
بقلم
محمد ابورغيف
اسئلكم الدعاء

[علي هاشم البدراوي]

طيب الله انفاسك مولاي وربي يحفظك

[سيد عدنان الحمامي]

طابت الانفاس سيدنا الجليل

قصيده طيبه ورائعه

في حق مسلم بن عقيل ع

موفق ان شاء الله يبعد عيني
ربي ايبارك بجهودكم


http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif


سيد محمد ابو رغيف


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم