السفارة ....... قصيدة لمناسبة استشهاد سيدنا مسلم ابن عقيل ع

[محمد أبورغيف]

عظم الله اجورنا واجوركم بأستشهاد سيدنا مسلم ابن عقيل سلام الله عليه

القصيدة على وزن البحر الطويل
تقراء بطريقة الزنجيل الكربلائي او طرق اخرى




((المستهل))


تبصر بالسفاره وخوض ..... وفهم كل معانيهه
صايه لآيـﮝـه المسلم ...... ومسلم لايـﮚ اعليهه

*************
يلايم لا تضن وتكول عن حجم السفاره ازغير
ابطرفك لاتغض عنهه ولا الهه بـﮜفاك اتدير
تراهه أتمثل المركز وفرع أمن القياده اتصير
قيادت نهضت الاحرار
عليهه التمت الانصار
حسين الوزع الادوار
ومسلم من برز دوره...... بكوفان الـﮜصد ليهه
*************
أهل الكوفه من وصلت رسايلهم لبو السجاد
تمعن بيهه وتوجس حيث اعله الغدر تعتاد
تخبره هالجناب اخضر والاثمار وكت احصاد
على روس الخلـﮜ ترﮜـــه
جنود امجنده تلـــﮜـه
عليك أﮜلوب محترﮜــه
اجبل ليهه يالمهيوب ...... وحيده لاتخليهه
*************
جواب الرده ابو اليمه نظرت آنه برسايلكم
اريد اثبت نوياكم وما تحوي ضمايركم
عضيدي امسدره بالحال ابن عمي سفير الكم
بيده اموكل البيعه
اريد الوادم اطيعه
وتكتم عنه لاتذيعه
وتدفع عنه كل اخطار ..... منرجاس وطواغيهه
*************
ﭽهب مسلم على الكوفه طبهه وحيتهه كلهه
توافد ﮜامت اتبايع وترحب أبأكملهه
تستبشر أبملكاهه لاﭽن اظمرت غلهه
ورى صلت أبمسجدهه
بالسبعين الف عدهه
تنغر أبمحامدهه
لمن توﭽب اعله الجد ...... ولا واحد يضل بيهه
*************
أبن مرجانه من طبهه كوفان وتأمرهه
فلكهه أتعاكس ابدوره بيَّن بالوجه شرهه
طبع الوادم اتمايل وذيج البيعه تنكرهه
غدرهه ساري أبدمهه
باعت كل ذمايمهه
بالناب ابرزت سمهه
ومسلم بالســﭽـﭺ حيران ...... يا سـﭽـه اليخطيهه
*************
غريب وما اله ﮜربه ولاله بالثنيه دار
المن هالوجه ينطيه ماظلت ربع و انصار
نطر يم دار مجهوله يتلفت يمين ايسار
من عدهه اطلعت حرمه
اله تنظر أومهتمه
ماتـﮜدر تصل يمه
ظلت منه مشدوهه...... ومنه الخجل باديهه
*************
ﮜاللهه أنه عطشان جابت ماي وتهنه
أباب الدار ظل موﭽب والحرمه اوجست منه
يعابر ارشد أبنيتـك أخافن تحصل الظنه
تدري الناس ما ترحم
لهلك روّوح وأسلم
ﮜآللهه يحره اعلم
لاﭽن هايم ومحتار...... هلي بعدت اراضيهه
*************
كالتله هلك ﭽاوين جاوبهه هلي ابطيبه
انه من نسل هاشم حيدر عمي الهيبه
سفير احسين بالديره من ﮜومج حصل خيبه
ﮜالت روحي ترخصلك
يمسلم ليك والاهلك
ادخل دار اسلملك
حدر والصباح ارباح...... ضيف الليله تكضيهه
*************

اسئلكم الدعاء
من نظم الشاعر محمد ابورغيف

[علي هاشم البدراوي]

طيب الله انفاسك سيدنه .. وربي يحفظك .. يالغالي ,,

[محمد أبورغيف]

طيب الله انفاسك سيدنه .. وربي يحفظك .. يالغالي ,,
شكرا جزيلا حضورك الطيب
اخي علي
وكل عام وانت بخير
ويا رب الثبات على ولاية امير المؤمنين

تقديري

[سيد عدنان الحمامي]

احسنتم ابو زينب ووفقت ان شاء الله

اسئله ان يقضي واياكم حوائجنا

بحق باب الحوائج مسلم بن عقيل ع

ربي ايبارك بجهودكم ويعافيكم

http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif

سيد محمد ابو رغيف


لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم