مسموح ( للامام الجواد عليه السلام )

[السيد مالك الياسري]

مسموح دمعي اونيني ماجور لو تجري عيني
ياعيني صبي دمــــوم لمصيبة المســــــــــموم
-----------------------------------------------------------------------
مصيبه من الصعب يالسامع ارويها
المدامع من تصب تكتب مآسيها
وتشب نار الالم بضلوعي تجويها
ويهونها الونين ولوعتي عليها
مصيبه الزهره باجر لله تشكيها
على حالة جبدته الخالق يجازيها

وتصيح بضعة نبينه وبصوت ولهه وحزينه
أي يبني يامظلوم لمصيبة المسموم
----------------------------------------------------------------------
غريب ابن الرضا ويشبه وضع جده
مثل موسى ابن جعفر من كضه لوحده
ومثل عوده الرضا بسم نمرد جبده
على ايد ام الفضل عاود فعل جعده
تمنه الهادي حاضر ساعة الشده
تمنه وليده يمه يوسده بلحده

ويشوف زهرة حياته موجود ساعة وفاته
ويصبر المهموم لمصيبة المسموم
-------------------------------------------------------------------------
كتاب ابن الخبيث من الوطن جابه
بمدينة جده لازم يترك احبابه
عرف داعي المنيه الواكف ابابه
على تعجيل القدوم يشدد كتابه
خطاب المعتصم معروفه اسبابه
غدرباب المراد وخيرة اصحابه

محسود نور الامامه مسموم هاي العلامه
لثارك يغايب كوم لمصيبة المسموم




ابو الهادي الجواد بسيرته وطبعه
شبيه الكاظم ونفس الوضع وضعه
غريب من اهله محد حاضر يودعه
يشيل جنازته وللمدفن يشيعه
ويهل على الغريب وحالته الدمعه
ويشب عند الكبر يوم الدفن شمعه

ويصيح جدك يغايب مسموم وبثاره طالب
يوم اليرد يايوم لمصيبة المضلوم
-------------------------------------------------------------------------------
مثل حال الغريب بكربلا تشوفه
لمن راحو بنينه وراحت صفوفه
يدير بعينه ساعه ويصفق جفوفه
وسافه على الدهر عاجلني بحتوفه
عرق منه الجبين وروحه مخطوفه
يغيب وينتبه وينازع بروحه

مسموم يعرق جبينه مظلوم الله اليعينه
ياعيني صبي دموم لمصيبة المسموم

[محمد أبورغيف]

السيد الياسري
احسنتم بارك الله بكم
على الابيات الولائية الجميلة
طابت انفاسكم ولاحرمنا نتاج ابداعكم
تقبل تحياتي

[سيد عدنان الحمامي]

جميل ماكتبتم

اسئله ان يرزقنا واياك شفاعته

ربي ايبارك بجهودكم


http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif

سيدنا الجليل


لكم منا دعاء بالعافيه

والتوفيق في خدمة الزهراء وبنيها ع

احسنتم والحسن الله اليكم

اسئله لكم الامن والامان والعافيه

ان شاء الله

لكم منا تحيات ودعاء

وربي يرعاكم ويخليكم

[علي هاشم البدراوي]

شكرا لك على طرحك الطيب

بارك الله فيك ..... موفقين لكل خير

تحياتي