بقلم الشاعر محمد الحاج عجيد الكناني

[علي هاشم البدراوي]

واماماه ,,, واحسيناه
ريت عاشور الاكشر يريته ماصبح
ابو السجاد صريع الملحمه وبيه انذبح
آه عملة كربله انسبت بيه العايله
سيوف ورماح على راس الحسين دايره
***************
العمر اه العمر ماينفع بعد كلي شيفيد
حطو بطشت الذهب راسك يبو اليمه الشهيد
بجت زينب من الدموع
اضاربت كل الجموع
ومن ضرب راس الشهيد يزيد ابن الفاجره
واماماه ,,, واحسيناه
************************
ارد اسولف للخلق بضيم والله قصتي
وشاب منهه القلب ويلي اشلون حركوا خيمتي
صاحت ايتام وخدر
بعد مايسوه العمر
بطيحتك عباس مرمي جفوف يابو المرجله
واماماه ,,,, واحسيناه
***************
عيني ضلت ساهره ويه الكلب ماتغمض بعد
عالكمر وحسين واصحابة وحتى البالمهد
صرخه بحزن وهضم
طحت ياابني الشهم
امك المظلومه يبني اشلون ضلت حايره
واماماه ,, واحسيناه
****************
اشتدت انصار ابو السجاد بيوم الطفوف
ماتهاب الموت ارجال ولاتهاب الألوف
جون والحر ووهب
انطبعوا ابنص الذهب
وي حبيب الكال لعد حسين ابذل مهجتي
وااماماه ,,, واحسيناه
************************
طبك روس بروس العباس والله بصولته
ابن مغوار الانس والجان فدوه لشوفته
ازلزل بمايه الفرات
ويئس حتى من الحياة
نزل وسط الماي كله تشوف يملي جربته
واماماه ,,,, واحسيناه
********************
دخلت لمجلس يزيد الحره بنت الغانمه
وعلى راس الاخو فوك الوجه هيه لاطمه
وسكتت كل الشرور
ودوخت اعقول الحضور
مثل ابوه الكناني البطل بالمحراب خضبوا شيبته
وااماماه ,,, واحسيناه

لخادم الحسين ع
محمد الحاج عجيد

[سيد عدنان الحمامي]

ربي ايبارك بجهودكم



http://www.al-wed.com/pic-vb/1.gif

http://www.al-wed.com/pic-vb/3.gif

http://www.al-wed.com/pic-vb/4.gif

http://www.al-wed.com/pic-vb/8.gif

http://www.al-wed.com/pic-vb/9.gif

http://www.al-wed.com/pic-vb/10.gif

http://www.al-wed.com/pic-vb/11.gif

http://www.al-wed.com/pic-vb/17.gif

http://www.al-wed.com/pic-vb/21.gif

علي هاشم البدراوي

والشاعر محمد الحاج عجيد

اسئل الله العافيه والتوفيق في خدمة

الزهراء وبنيها ع

تحياتي ودعائي

[محمد أبورغيف]

علي هاشم البدراوي
موفق لكل خير وتسلم يمينك على النقل الموفق
بارك الله بك وايدك ولا حرمنا روعة مساهماتكم