عالعهد يحسين نبقه ومن دمانه انوقعه -- ولائيه في يوم الانصار

[المعارف]

عالعهد يحسين نبقه ومن دمانه انوقعه -- ولائيه في يوم الانصار
بسمه تعالى

سلام عليكم


--

--

عالعهد يحسين نبقه ومن دمانه انوقعه -- والذي بحبك تمسك هذا طيب مرضعه

--

للابد باقي عهدنه أمن ألأزل عدنه عهد -- وشوف يحسين الموالي بخدمتك أخلص وجّد

ياسفينه او للنجاة أيأمن البيها صعد -- وبالحشر صك بيده ياخذ من أبوك أموقعه

--

يبو اليمه امقصرين اوياك شنهو انقدمه -- بالبنين او مال نقسم الك نبذل والدمه

أنته ريحانة محمد أنته روح الفاطمه -- يبن نون وقاف أنته وهل أتى والواقعه

--

جدك ل لله حبيبه ونته للهادي حبيب -- لو دعه الداعي ابضريحك الله للداعي يجيب

مايخيب العنده حاجه وگصد يمك مايخيب -- ومايرد مهظوم ضيفك لو بشباچك دعه

--

الله خصك بالشفاعه ونته تشفع للمحب -- بيك يغفرله الذنوب أيروح مغفور الذنب

ومن يزوغ البصر باچر علي يروينه العذب -- لأن أحنه بكل فريضه أمن الصلاة أنبايعه

--

يظل شلال المحبه يروي بينه كل نفس -- ياحسين أنته الامان وكل موالي بيه يحس

تظل غالي يبو اليمه وخصمك ايظل البخس -- وينها أگبور الخصوم بهل البريه ضايعه

--

وگبرك انشاهد ضريحه صار كعبه لليطوف -- ناس تتعنه ابجدمها ناس تتعنه زحوف

وها لملايين التزورك يبو اليمه مو ألوف -- كلها لبت للنداء لأمر جدك طايعه

--

بيك من وصه محمد گال ريحانه الي -- بيوم من كان بصلاته وعلى ظهره تعتلي

واحنه بالاصلاب صحنه يارسول بلي -- لأن أمه الزهره هيه الكل موالي شافعه

--

سيد عدنان الحمامي

[المعارف]

--- كلمن خدم لحسين -- باچر قرير العين ------ للخدمه ---
بسمه تعالى

سلام عليكم


--

--

-- المستهل

--

كلمن خدم لحسين -- باچر قرير العين

والزهره تشفع ليه -- بهل الخدمه وتجازيه

--

اسعي يالرايد نجاتك وأربح بهاي الخدامه

الغيره هالخدمه مذله وخدمة حسين الكرامه

واليجّد بالخدمه حصّل يرفع الباري مقامه

الهادي گال حسين مني وآنه منه ابنص كلامه

والي الذي والاه -- وعادي الذي عاداه

وحبله تمسك بيه -- ابها الخدمه وتجازيه

--

اتمسك ابها الخدمه جاهد يالمحب واعلن ولائك

وافتخر عالدنيه كلها ابخدمتك طرّز لوائك

ابذل اشما غالي عندك ياحسين ايظل ندائك

وأسخي بالمال وبنين وفدوه لو تبذل دمائك

لاتبخل المجهود -- جود ابخدمتك جود

شتضحي متوفيه -- ابها الخدمه وتجازيه

--

ياشرف هذا التحمله يالمحب خدمة أمامك

لو ردت باچر محمد بالحشر يكرم مقامك

اتوشح اوشاح الخدامه ابصدرك وعلگ وسامك

عابس وجون وبرير اوياهم اعلن عن غرامك

ابساحة ولاء حسين -- وي صحبته الطيبين

ابدم منحرك افديه -- ابهل الخدمه وتجازيه

--

عالعهد يبقه عهدنه انجدده وبالدم نوقعه

ونهتف ابصوت الولاء وللسمه السابع نرفعه

ياحسين ياحسين وخلي كل لايم يسمعه

احنه عدنه حسين ثوره حسين عبره حسين دمعه

لمن يجي عاشور -- دمنه يظل ايفور

وكل شيعته اتواسيه -- ابهل الخدمه وتجازيه

--

نبقه اصحاب المبادئ عدنه نخوه وعدنه غيره

واليحب حسين لابد عايش حسين ابضميره

هوه علمنه الصمود ابوجه الاحقاد الشريره

ابدربه قدمنه ضحايا سرنه كلنه بهل المسيره

قدمنه دم انحور -- ومشينه درب النور

ايفوز الذي اتواليه -- بهل الخدمه وتجازيه

--

يالخدمت حسين افرح هالخبر واثق اخبرك

وانته متفاني ابخدمتك وانگظه بهل الخدمه عمرك

لو متت لتظن تعوفك فاطمه الزهره تحظرك

وهيه بعيون الشفاعه بت محمد من تنظرك

والزهره ماتنساك -- بالوحشه هيه اوياك

وكل خادم اترضيه -- ابهل الخدمه وتجازيه

-----

سيد عدنان الحمامي

[المعارف]

- دوم أوياه -- ماننساه -- حب حسين بالشريان -- ولائيه ليوم الانصار
بسمه تعالى

سلام عليكم

--

--

--

ماننساه -- دوم اوياه -- حب حسين بالشريان

--

حبنه مامثيله حب -- وأحنه الهل الحبيب انذوب

حب حسين بالشريان -- يسري ايغذي حبه اگلوب

حبينه بصدق واخلاص -- حبينه اعز محبوب

ولآخر نفس وياه -- بالدم هالعهد مكتوب

يبقه حسين -- وسط العين -- أجمل صوره للايمان

--

يحسين الگلب واحد -- لا لا مايصح لثنين

ونته بالگلب ساكن -- بغيرك مارضه يحسين

انته النه الهوه والماي -- يحسين وضوه الهل العين

من عندك تعلمنه -- درس التضحيه الهل الدين

بعزم صبرك -- بدمه نحرك -- للثائر صرت عنوان

--

يحسين اليحب يسخي -- ولايبخل يظل ايجود

وأحنه لجلك الغالي -- نبذلك اعز مجهود

بالمال وبنين ودم -- اعلينه يشهد المعبود

مآتمنه يبو السجاد -- لمصابك تظل أشهود

جرح بينه -- يواليه -- عليك وكل گلب حزنان

--

يحسين بمآتمنه -- نخدم كل وكت كل عام

وجرح امصابك الهل اليوم -- ينزف بينه مايلتام

انته منهج الهل الدين -- انته كل شرع وأحكام

ونته مشعل الايمان -- يبقه ايضوي للاسلام

للمظلوم -- اسمك دوم -- ثوره ايصير عالطغيان

--

يحسين الدمع من دم -- لو مرّ أسمك وطاريك

واحنه بهل الخدامه هاي -- اشنبذل أبد منجازيك

امك فاطمه الزهره -- وريحانه النبي امسميك

وجبريل اليهز مهدك -- يتباها ابخدمته ليك

الك خدام -- وبكل عام -- دمنه أنقدمه قربان

--

--

بحب حسين شرد اوصف وشملي

اسمه اموّسم بگلبي وشملي

بالمحشر لوّن شمله وشملي

انجمع واشكيله حبه اشعمل بيّه

--

--

بحور أمحبتك يحسين ماجن

وجن ليل الولاء وغيره ماجن

عابس لوله حبك چان ماجان

مثل عابس غرامك صار بيّه

--

سيد عدنان الحمامي

[المعارف]

انته نور فوق نور ياحسين --- انت للرشد طريق التائهين ---

بسمه تعالى


سلام عليكم

--

--

--

انته نور فوق نور ياحسين -- انته للرشد طريق التائهين

--

ياحسين انته الامان امن الخطر -- الشيعتك بالرحمه بارينه نظر

واليضدك باچر ابنار وسقر -- واليزورك كمن حجَ واعتمر

انت للنجوى ملاذ الخائفين -- ياحسين ياحسين ياحسين

-----

ياحسين المجد انته والخلود -- دمك الحررنه من كل القيود

وعلمتنه بوجه كا طاغي الصمود -- صار واجب بالدمه لجلك نجود

يشهد الله الاه العالمين -- ياحسين -- ياحسين -- ياحسين

--

ياحسين التاج انته والشرف -- والتمسك بيك نال اعلى الغرف

حور والولدان والراده قطف -- والذي يحسين فظلك ماعرف

غداً يسقى عنوةً ماءً مهين -- ياحسين -- ياحسين -- ياحسن

--

والذي حرموك من عذب الشراب -- دورهم ظلت يبو اليمه خراب

أتبّره من اجسادهم حتى التراب -- وينهم يحسين شو صاروا سراب

انت باقي رغم انف الحاقدين -- ياحسن -- ياحسين -- ياحسين

--

ياحسين ابحبك احنه نعتصم -- بيه طريق الجنه شفناه منرسم

ابغيظه يهلك خلي ويموت الخصم -- باچر ابسجيل باچر ينرجم

يحشرُ في النار جنب الكافرين -- ياحسين -- ياحسين -- ياحسين

--

عالعهد وياك نبقه عالعهد -- وأبد مايوم الذي نخلف وعد

حبك ابدمنه ويغذي للجسد -- وحتى رضعان الذي بدور المهد

لك شوقٌ يعتريها وحنين -- ياحسين -- ياحسين -- ياحسن

--

--



--

بحب حسين شرد اوصف وشملي

اسمه اموسّم ابگلبي وشملي

بالمحشر لون شمله وشملي

انجمع وأشكيله حبه اشعمل بيّه

--

سيد عدنان الحمامي

[المعارف]

- حسين حبك غيره ابداً مانريد ---
بسمه تعالى

سلام عليكم

----

حسين حُبك غيره ابداً مانريد

سيدي ابلياه دنيانه اشتفيد

---

انته كل حُر بيك اصبح يقتدي -- وكل مُظل يحسين بسمك يهتدي

ماجهل حگك تره بس الردي -- وبسقر باچر عليه نار وحديد

-----

الكل عفن اول رفض منك صدر -- وصرختك يحسين تدوي بالدهر

حيرت كل واعي ياصرح الفخر -- يالسگيت الدين من دم الوريد

----

نعم للموت اصرخت والكل سمع -- ورفض چفك للمذله وماخضع

يظل شاهد اصبع المنه انگطع -- لا اقر من صحت اقرار العبيد

----

بالوريد ودمه اصحابك وأخوتك -- بذاك المثلث الگطع مهجتك

نبلته بكل گلب حفرت صورتك -- حتى ما عن حبك البينه نحيد

----

مانحيد ابحبك انجود النفس -- يالتعلمنه ابعطش گلبك درس

كل جرح من البجسمك بيه نحس -- ياعزيز الدمه يا اعظم شهيد

----

ياشهيد المثلك ايخوف الرجال -- وهو جثه اموسده فوگ الرمال

اوراسك اعله الرمح شامخ كالجبال -- علم صار وبيه نهج جدك تعيد

-----
وراسك الحملوه على طرف الرمح -- رايه صار النهظتك واعله صرح

وجسمك الماينحصي بيه چم جرح -- سور شامخ صار يا اسعد سعيد

----

ياحسُين انته السعيد وبالعلُى -- شرف نالت بيك تربة كربله

الداء كل مايوس وصفوها اله -- وتشفه علته وبيها آلامه تهيد

---

اتهيد آلامه اليشمها التربتك -- وگبتك كل اليناجي ابگبتك

اينول مگصوده ويحصل شارتك -- لوطلع من يمك امحصل اليريد

----

هالكرامه العندك وانته زغير -- بالمهد وآيه المهد لجلك يصير

فطرس الهزه يرد جنحه ويطير -- ابشرف مهدك سيدي اجناحه يعيد

----

عاد جنحه الفطرس وبيك ابتشر -- ياحسين وياهو مثلك بالبشر

مهده جبرائيل من هزه افتخر -- غير شخصك سيدي ونته وليد

---

بيك وحي الله يباهي كل ملك -- چيف اصبح سيدي خادم الك

شلون رتبه شلون منزل نزلك -- وفظلك عنده بارينه المجيد

---

سيد عدنان الحمامي

[سيد عدنان الحمامي]

سمه تعالى

------- ولائيه اول يوم محرم


من الظماير هالصوت -- يحسين الك حبينه

-----------

من الظماير يعتلي -- صوت الولاء بكل حين

عالعهد نبقه علعهد -- بالدم عهدنه اموقعين

مامثل حبنه ينوجد -- ابحبك تره مجنونين

يحسين عدنه فد گلب -- مايوسع الحب اثنين

ونته ملكته للگلب -- وبحبك انجينيه

-----------------------

يحسين الك فدوه العمر -- شنهو العمر شنهو المال

وألله نگطعه للگلب -- لو عنك اشويه مال

ابدنيانه بلسم للجرح -- انته ا لضمد للدلال

ونته النجاة الكل محب -- وبالحشر انته الآمال

ياسيدي ابيوم الفزع -- بس حبك اينجينه

------------------------

يحسين تحضر للمحب -- باللحَد باچر لوصار

حبك أمان أمن الخطر -- حبك أمان أمن النار

واللي تمسك سيدي -- الدارين حصل مو دار

والمحب يوم الواقعه -- يابو علي مايحتار

مسرور گلبه ومبتهج -- وعينه متحزن عينه

------------------------

ريحانه انته للنبي -- وللنبي امك بضعه

فاز النصب مأتم الك -- واللي يهلها الدمعه

كل دمعه باچر بالگبر -- من يبقه وحده شمعه

واليبچي لجل امصيبتك -- أمك الزهره اتسمعه

بسجل الشفاعه اتسجله -- توفيله نذره ودينه

-----------------------

كل مأتم امك فاطمه -- يحسين هيه اتحضره

بالعزه تگعد تنتحب -- اتهيج ضلعها وكسره

نتشارك اوياها ابدمع -- وامك دمعنه اتنظره

امصابك كسر ماينجبر -- بالدمع يصعب جبره

نذكر امصابك كل وكت -- يحسين ويبچينه

--------------------

لونبچي كل هذا العمر -- مو دمع دم تبچي العين

لونلبس اثياب الحزن -- عالفاجعه انظل اسنين

وننصب مآتم كل وكت -- ونلطم ألم حاه يحسين

منجازي منوفي ابد -- نبقه الك مطلوبين

انته عزيز الفاطمه -- وريحانته الهادينه

--------------------

[سيد عدنان الحمامي]

http://www.youtube.com/watch?v=V8wD9Y19los&feature=player_popout

[سيد عدنان الحمامي]

حسيني امسجله يحسين عنواني ______ مثل عابس غرامي بيك تلكَاني
------

مثل عابس عهدنه انجدده كل حين--- حبيناك لجنها محبة بسوادين

فدوه الروح شنهو الروح ينور العين--- واحدنه ابمحبتك دوم متفاني

ــــــــــــــــــــــــ
متفانين عنك مامنعنه الخوف--- وعيون التضدك يبو اليمه اتشوف

شلون افواج جنه بالضريح انطوف--- رغم الطاغيه الي جان عدواني
ـــــــــــــــــــــــ

رغم الطاغيه واشكَد كَصه بينه--- وحملنه الظيم منه ومن شياطينه

خاب وماكَدريحسين يثنينه--- لإن حبك فرض وينصه قرآني

_______

قرآن االينص حبك فرض عالناس--- واجب طاعتك يحسين والعباس

بس اللي ابصدره يعشعش الخناس--- جنسه موبشرها لجنس شيطاني

ــــــــــــــــــــــــ

شيطاني اليضدك والتجّبروين --- مثل الكَال انته حسين وانه حسين

هم عنده كَبرجاكَبره صايروين --- لوعنده كَبر جا شخص دلاني

ــــــــــــــــــــــــ


هذه عاقبة كلمن تحرش بيك --- وإيده تنكسر يحسين اليلاويك

جم سلطان كَبله جانوا امجربيك --- هلكوا وانّسوا واحد وره الثاني

****************

[سيد عدنان الحمامي]

يحسين ابحبك نتفانه

***********

نتفانه ياسور العالي --- اشما انجودبحبك منبالي

كلشي ارخيص اوانته الغالي --- انضحيلك يحسين ادمانه

______

انضحيلك مهما ضحينه --- منوفيلك يابو سكينه
يلمن عزمك عزم البينه --- يمخرس للطاغي السانه

_______

يالصوتك عالظالم دوّه --- واجعلت امن النوم الصحوة

وازرعت ابكل نفس النخوه --- ياطود االشامخ بنيانه

________

يالهدّيت اعروش الظالم --- وبنحرك ظل دينك سالم

يامرجع للأمه اوعالم --- يالصنت الدين او اركانه

______

نوّرت الاحرار ابفكرك --- والاجيال اتظل اتذكرك

تتعلم واتطالع درسك --- ياثائر للحكَ عنوانه

_________

والينه اووالي الكل مسلم --- كلمن بيك اتمسك يسلم

واليجهل ثاراتك يندم --- جاهل مو كامل ايمانه

______

يالنورك ظاهر مايخفه --- والعلّه امن اتراابك تشفه

والبي نار وزارك تطفه --- بترابك الله عافانه

_______

يخسر كلمن جاهل فضلك --- والعادانه ابحبك يهلك

يحسين اوماغيرك مسلك --- الرحمه اوندخل بجنانه

______

بجنان الباري الي يودك --- يحسين او بالنار الضّدك

ذاكرها شجم مره جدك --- مني حسين ومنه آنه

_______

رد كَال الي يحبه يحبني --- والي يبغضه شكَد يبغضني؟

يالأمه اورد كَلهم ابني --- حسين الهاديكم ريحاانه

________

ريحانه بلسان الهادي --- نفسه من نفسي وينادي

كَال العاداه ليه ايعادي --- والباري ايخلده ابنيرانه

_________

واحنه ابكَول الهادي اعملنه --- وصار حسين المنقذ النه

لو حانت ساعة محشرنه --- حاشاه اهناك او ينسانه

****************************************

نسألكم الدعاء

[نوح الحمام]

الله يعطيك الف عافيه مولاناااا
واجرك علي اهل البيت ع
الله لا يحرمنااا من كرمكم مولانااا

[عاشقة زينب ع]

جزيتم خيرا وبارك الله فيكم
طيب الله انفاسكم وادام توفيقكم