كاظم جابر السماوي
09-21-2011, 05:08 PM
تبوك احجايتي وتعيّب اعليها
وتسميني الشروكي النوبه تاليها
.......
تاليها تشوف وتعرف ال احجيم
كلها معدله حجايتهه مو ترهيم
بس يلطوف شو تركص لركص الهيم
اخاف اغتاظ وانت اللي تكع بيها
.........
تكع بيها ولك بس لاتوازيني
شنهي الجايبك تنبش روازيني
يلطينك وغف جالي وحمر طيني
وعله صفحة اخدودي يفيض جاريها
.........
جاريها براد شما حمه صيفك
خلها مبطنه وضمهن سواليفك
اخاف مرادم تصير وتذب سيفك
وتطلع عورتك واتمضحك اعليها
.......
اعليها احجايتي يالماتعرف الها
بحرهه اظلم غميج وماتطب الها
ولاتعرف لغزها وظل صعب حلها
تراهي الحسجه سيف السان راعيها
.........
راعيها الحجاها يخاف لتجرحه
وانت الماعرفت اشلونها اتذبحه
الحسجه تلوك يغبر بس لهل وضحه
علي صويلح وفدعه وحمد واليها
.....................
واليها العرفها ويندل السجه
كل عفريت بيها كباله حط ملجه
شنهي الجايبك ماتعرف الحسجه
غم هذا الوكت وياي تكظيها
..................
تكظيها بوكت واشلون منواها
وروحي شما تغط متزوهره الكاها
مثل الكفت وبيضات جواها
بس مافرخن ثارت جزاويها
...............
جزاويها عليها وشامت اليكفل
يوزعلهم حصو والمسعده اتهلهل
ماتكتل تفك بس ضحجته التكتل
تكوم وتكعد السيف بجلاويها
.........
بجلاويها ويجرها الزور واويه
ساعه اصفك جفوفي وساعه رجليه
صار ابن اليول يتمرجل اعليه
وصار الذيب لكمه ابحلك واويها
............
واويها الولاني شلون هذا ايصير
اخاف انفخ عليك كشاش تالي تطير
اجيتك يامضيف وكمكم ال بدير
احجي حجايتي لوسكته اخليها؟
...............
اخليها وتهيج نار جمراتي
وشنهي الجايبك وتعيب جلماتي
انا ابن الظوالم هاي جيلاتي
شطلب شعلان يلماتعرف شبيها
.............
طلب ليرات عشره من حديد السيف
يعني ازلام خشنه وماعليهم زيف
موش ابن اللعد واليول وابن الكيف
هاي الحسجه يلماتعرف اشبيها
..............
شبيها وماتعرفلها ودثو خللك
اكتب بالتعرفه اهوايه احسنلك
طحت ابعين جير ومنهو يندلك
والبوكه الخذتها النوب تنطيها
..............
تنطيها واحشملك عشايرها
واهل الفاله والمكوار اخبرهه
هلي للباشطات انطت مناحرهه
وحكك من تهد تخسف رواسيها
...................
رواسيها تهد وتصير مرتجه
انصحك غاد خلك لاتظل فرجه
ابن جياش انا وشيخي ابن عجه
وعزاييل يفحط من يلاويها
........
يلاويها ويحوش الروس ماينحاش
من يحجي ويسولف بس حجي الرشاش
يلكطهن اصوال اصوال ابن جياش
واصوال ال اسيود من يلم بيها
..............
يلم بيها ويطشها بزود ابو الحملات
وكون اسوالفك يسمعها ابو جفات
وابو خزعل والاصفر وابن ابو عبيدات
وال احويش حته تهوس اعليها
.............
اعليها التهوس ويد تفتل ايد
وين الراح طارش حشم ال افهيد
وين الجابلي خيالة ال ازبيد
والخيكان لو جتني بصواريها
...........
صواريها تجيني بس تجيني افواج
من تفتل تهوس يثكبلها اعجاج
بس راح اشتكي بمضيف اهل دراج
تراني اتمحنت وانخبط صافيها
............
صافيها انخبط بس حكي اريدنه
باك احجايتي الفاهي ومشه وغنه
اذا ماجبتو حكي وجلمتي منه
تره انحر للسواعد غاد الاكيها
.................
الاكيها واطبهم مغضب وعابس
اشيل شراع راسي وللهوه تارس
وين الضام راسه ولابد وخانس
يجرونه من اذانه النوب تاليها
.........
تاليها الزمطلي صرنه يمه اضيوف
ذوله اهل المراجل كشختلها اسيوف
جم شامت يشوف وجم زنيم يشوف
وناري التلهب ومحد يطفيها
...............
يطفيها جذب ماتنطفي ناري
فرهدني ونهبني وفرهد اشعاري
مايدري الجرف يتلكه كل جاري
ومايدري الخزاعل تذب سليها
...........
سليها تذبه وشامت العيب
جذاب النكرني وشاهد الجذب
غارت والاصايل تطلب الملعب
عدكم يال عامر كون اكضيها
..........
اكضيها واصدن يم بني لامه
وين اللي تجفن والكشف هامه
موش ابن اللعد وابن اليول لامه
وين البحرب لمعت مواضيها
.............
مواضيها اصبحت بجفوف الاشويلات
وهاي خيول عميه وهدت العميات
وين العكر رجله ورادم الكلفات؟
بانت والمراجل بان راعيها
............
راعيها ابن فتله واخوة اسكينه
والمبيوك يمهم بس تكر عينه
بيكم تنعدل ميلة ميازينه
ذوله البكرم تضحك صوانيها
........
صوانيها الكرم والخير بيها يزود
ياخنياب الاحمر والوكت صيهود
اريد افرش عباتي بكوسر الشدود
خلها تكوملي وتذب مزاويها
.........
مزاويها تذبهه وعالعدو تجزي
صارت ممحله وغص بالملح مرزي
وين النفخ صدره وكال ابن غزي
صبخه مصخرجه وجلت مساحيها
..........
مساحيها بصخر ومشنيصه زياده
تريد اجفوفكم ياعين الاكلاده
ياشبة بني حمدان والساده
ياكوم ال ازريج كون تلفيها
...........
تلفيها ال ازيرج ماتتيه الفات
بس تدبج تجيها سيوف الاحسينات
وال اسعيد والركبان وعبيدات
تفك اصدورها ملكه وتلاكيها
..........
تلاكيها الزلم وعيونهم شعواط
وين الجاب حكي ودك رجل وزماط
جا نذرن عليه السادة البطاط
خرفان اربعه وكرونهن بيها
.............
خرفان اربعه وحافي اعتني الساده
وافل احزامي يمهم واكطع اشداده
عدكم يال هاشم يلتكه مراده
اجيكم لو ابطل بعد ماجيها
..........
ماجيها واجيت وحكي ظل يمكم
ناوي صوب الاشريفات احشمهم
واروحن لال ابوصالح وافزعهم
والمشرف واهل صفوان تكظيها
.............
تكظيها وجذب يتكتر المنصور
كل واحد الف جني اعله راسه يدور
ميط السانها وجفوفها من اسيور
ماتقبل العيبه ولاتخاويها
...........
ماتقبل العيبه وانت ظل واوي
بس احجي واصيحن يلحميداوي
يجينه مدرعم ويطلع حسيناوي
خلك باللعد واليول كاضيها
تبوك حجايتي وتعيب اعليها؟
[/overline]
وتسميني الشروكي النوبه تاليها
.......
تاليها تشوف وتعرف ال احجيم
كلها معدله حجايتهه مو ترهيم
بس يلطوف شو تركص لركص الهيم
اخاف اغتاظ وانت اللي تكع بيها
.........
تكع بيها ولك بس لاتوازيني
شنهي الجايبك تنبش روازيني
يلطينك وغف جالي وحمر طيني
وعله صفحة اخدودي يفيض جاريها
.........
جاريها براد شما حمه صيفك
خلها مبطنه وضمهن سواليفك
اخاف مرادم تصير وتذب سيفك
وتطلع عورتك واتمضحك اعليها
.......
اعليها احجايتي يالماتعرف الها
بحرهه اظلم غميج وماتطب الها
ولاتعرف لغزها وظل صعب حلها
تراهي الحسجه سيف السان راعيها
.........
راعيها الحجاها يخاف لتجرحه
وانت الماعرفت اشلونها اتذبحه
الحسجه تلوك يغبر بس لهل وضحه
علي صويلح وفدعه وحمد واليها
.....................
واليها العرفها ويندل السجه
كل عفريت بيها كباله حط ملجه
شنهي الجايبك ماتعرف الحسجه
غم هذا الوكت وياي تكظيها
..................
تكظيها بوكت واشلون منواها
وروحي شما تغط متزوهره الكاها
مثل الكفت وبيضات جواها
بس مافرخن ثارت جزاويها
...............
جزاويها عليها وشامت اليكفل
يوزعلهم حصو والمسعده اتهلهل
ماتكتل تفك بس ضحجته التكتل
تكوم وتكعد السيف بجلاويها
.........
بجلاويها ويجرها الزور واويه
ساعه اصفك جفوفي وساعه رجليه
صار ابن اليول يتمرجل اعليه
وصار الذيب لكمه ابحلك واويها
............
واويها الولاني شلون هذا ايصير
اخاف انفخ عليك كشاش تالي تطير
اجيتك يامضيف وكمكم ال بدير
احجي حجايتي لوسكته اخليها؟
...............
اخليها وتهيج نار جمراتي
وشنهي الجايبك وتعيب جلماتي
انا ابن الظوالم هاي جيلاتي
شطلب شعلان يلماتعرف شبيها
.............
طلب ليرات عشره من حديد السيف
يعني ازلام خشنه وماعليهم زيف
موش ابن اللعد واليول وابن الكيف
هاي الحسجه يلماتعرف اشبيها
..............
شبيها وماتعرفلها ودثو خللك
اكتب بالتعرفه اهوايه احسنلك
طحت ابعين جير ومنهو يندلك
والبوكه الخذتها النوب تنطيها
..............
تنطيها واحشملك عشايرها
واهل الفاله والمكوار اخبرهه
هلي للباشطات انطت مناحرهه
وحكك من تهد تخسف رواسيها
...................
رواسيها تهد وتصير مرتجه
انصحك غاد خلك لاتظل فرجه
ابن جياش انا وشيخي ابن عجه
وعزاييل يفحط من يلاويها
........
يلاويها ويحوش الروس ماينحاش
من يحجي ويسولف بس حجي الرشاش
يلكطهن اصوال اصوال ابن جياش
واصوال ال اسيود من يلم بيها
..............
يلم بيها ويطشها بزود ابو الحملات
وكون اسوالفك يسمعها ابو جفات
وابو خزعل والاصفر وابن ابو عبيدات
وال احويش حته تهوس اعليها
.............
اعليها التهوس ويد تفتل ايد
وين الراح طارش حشم ال افهيد
وين الجابلي خيالة ال ازبيد
والخيكان لو جتني بصواريها
...........
صواريها تجيني بس تجيني افواج
من تفتل تهوس يثكبلها اعجاج
بس راح اشتكي بمضيف اهل دراج
تراني اتمحنت وانخبط صافيها
............
صافيها انخبط بس حكي اريدنه
باك احجايتي الفاهي ومشه وغنه
اذا ماجبتو حكي وجلمتي منه
تره انحر للسواعد غاد الاكيها
.................
الاكيها واطبهم مغضب وعابس
اشيل شراع راسي وللهوه تارس
وين الضام راسه ولابد وخانس
يجرونه من اذانه النوب تاليها
.........
تاليها الزمطلي صرنه يمه اضيوف
ذوله اهل المراجل كشختلها اسيوف
جم شامت يشوف وجم زنيم يشوف
وناري التلهب ومحد يطفيها
...............
يطفيها جذب ماتنطفي ناري
فرهدني ونهبني وفرهد اشعاري
مايدري الجرف يتلكه كل جاري
ومايدري الخزاعل تذب سليها
...........
سليها تذبه وشامت العيب
جذاب النكرني وشاهد الجذب
غارت والاصايل تطلب الملعب
عدكم يال عامر كون اكضيها
..........
اكضيها واصدن يم بني لامه
وين اللي تجفن والكشف هامه
موش ابن اللعد وابن اليول لامه
وين البحرب لمعت مواضيها
.............
مواضيها اصبحت بجفوف الاشويلات
وهاي خيول عميه وهدت العميات
وين العكر رجله ورادم الكلفات؟
بانت والمراجل بان راعيها
............
راعيها ابن فتله واخوة اسكينه
والمبيوك يمهم بس تكر عينه
بيكم تنعدل ميلة ميازينه
ذوله البكرم تضحك صوانيها
........
صوانيها الكرم والخير بيها يزود
ياخنياب الاحمر والوكت صيهود
اريد افرش عباتي بكوسر الشدود
خلها تكوملي وتذب مزاويها
.........
مزاويها تذبهه وعالعدو تجزي
صارت ممحله وغص بالملح مرزي
وين النفخ صدره وكال ابن غزي
صبخه مصخرجه وجلت مساحيها
..........
مساحيها بصخر ومشنيصه زياده
تريد اجفوفكم ياعين الاكلاده
ياشبة بني حمدان والساده
ياكوم ال ازريج كون تلفيها
...........
تلفيها ال ازيرج ماتتيه الفات
بس تدبج تجيها سيوف الاحسينات
وال اسعيد والركبان وعبيدات
تفك اصدورها ملكه وتلاكيها
..........
تلاكيها الزلم وعيونهم شعواط
وين الجاب حكي ودك رجل وزماط
جا نذرن عليه السادة البطاط
خرفان اربعه وكرونهن بيها
.............
خرفان اربعه وحافي اعتني الساده
وافل احزامي يمهم واكطع اشداده
عدكم يال هاشم يلتكه مراده
اجيكم لو ابطل بعد ماجيها
..........
ماجيها واجيت وحكي ظل يمكم
ناوي صوب الاشريفات احشمهم
واروحن لال ابوصالح وافزعهم
والمشرف واهل صفوان تكظيها
.............
تكظيها وجذب يتكتر المنصور
كل واحد الف جني اعله راسه يدور
ميط السانها وجفوفها من اسيور
ماتقبل العيبه ولاتخاويها
...........
ماتقبل العيبه وانت ظل واوي
بس احجي واصيحن يلحميداوي
يجينه مدرعم ويطلع حسيناوي
خلك باللعد واليول كاضيها
تبوك حجايتي وتعيب اعليها؟
[/overline]