مصيبة البقيع

[علي313]

من بعد مرقد نبينه مشيت لارض امهدمه
جنه جانت غرقديه اليوم بتراب او سمه
***
ارض جانت اضرحتها ناطحت حتى السحاب
لان بيها ومن عبقها سيد الجنه الشباب
حيف بيها امن الاسيه بهالزمن حط الغراب
وغدت مظلومه او جريحه بهالليالي المظلمه
***
مشيت اعاين والمدامع بالحزن تحدي النظر
اجبال مدفونه عظيمه يستحي منها القمر
مهدمه اعليها الشوامخ مدري من يامن عذر
وجني من ألثم جرحها جرح قلبي اتهيمه
***
اربع اقبور الخذتني وسرحتني بالحزن
يا عليل او ياهو جعفر وين باقر والحسن
من اناديهم وسافه صبت اعليه المحن
مشرك يصيحولي اطلع موته ذولي النايمه
***
شلون موته وهو ربي يرزق ابفضله الشهيد
عنده حي ابجنه عليه وهذا من فضل الحميد
جا يقولوا الروح تفنه حته بالموته تبيد
لا وحق باري الخلايق عنده هيه منعمه
***
الدمع غسل وجنتي وشوقي ألثم هالترب
ردت اقبل اضرحتهم لاجن المدنه صحب
يا اهانه وياهي سبه لو عليها تنظرب
لان هذولي ايمه هالنواصب ناقمه
***
قبور بأعيوني ألثمتها انت او ون الانين
صحت اسيادي ادركوني فتت اقليبي الحنين
فكرت انذر فرجها وانا عد ام البنين
ألقيت قبر ام العضيد ابهالمصيبه امحزمه
***
نخيت ابوفاضل ظناها وعنده ميخيب الرجه
البقيع ابهالليالي طلبه ربي ايفرجه
جرح بأمك يانظرها قوم ألحق عالجه
جا ظريحك يبقه سالم واظرحتها اتحشمه

</b></i>

[محمد أبورغيف]

احسنتم بارك الله بكم اخ علي
جزاكم الله خير الجزاء
ولكم مني خالص الدعاء

[سيد عدنان الحمامي]

***
مشيت اعاين والمدامع بالحزن تحدي النظر
اجبال مدفونه عظيمه يستحي منها القمر
مهدمه اعليها الشوامخ مدري من يامن عذر
وجني من ألثم جرحها جرح قلبي اتهيمه

حجينه الغالي ربي ايبارك بهل القريحه الشعريه

المواليه لمحمد وال محمد ص

حيث تحزن لحزنهم وتفرح لفرحهم وابارك هذه القوافي الشجيه التي

ابكت العين وادمت القلب

اسئل الله ان يفرج عن أائمتنا في البقيع

وينقذ قبورهم من النواصب الزنادقه والملحدين والناصبين العداء

لمحمد وا محمد ص

لك مني تحيات ودعاء بالتوفيق والنجاح

وربي يحميك حبيبي حجي علي الورد

[نرجس علي المسيباوية]

قصيدة اجبرتني على الوقوف عندها والمكوث امامها
قصيدة وابيات أعجبتني
بارك الله بيك
وفي ميزان حسناتكم ان شاء الله

http://www.sarkosa.com/vb/imgcache/66012.imgcache.gif

[علي313]

انا خادمكم وبخدمتكم

اشكركم على المور وبالخصوص استاذي السيد عدنان