تسجيل الدخول

مشاهدة النسخة كاملة : ولادة العباس ع -- يم زينب اغبش كلت اهنيها

سيد عدنان الحمامي
04-07-2011, 02:49 AM
يم زينب اغبُش گلت اهنيها

بالعباس بلچي ابفرح الگيها

------------------------------

وَي طرت الفجر يم زينب وفرحان

واعاين بالضريح النور كل امچان

مالك گاعد ويمه گعد رضوان

والحور الشموع وحنه بيد يها

--------------------

عيني انبهرت الهل الموقف اتنضره

يم شباچ زينب گمت افًتره

لنها بالركن چن گاعده الزهره

ويمها ام البنين اسمع تحاچيها

-------------------------

تحاچي ام البنين وأنظر اعليهن

وحراير كل بني هاشم اجن ليهن

يحيين فاطمه وفاطمه اتحييهن

وام عباس غير الفرح مابيها

------------------------

فرحه ام البنين اليوم چن عدها

علگت شمعه للعباس اشاهدها

الزينب باركتها بابن والدها

بدمع الفرح زينب هم تحييها

-----------------------

تحيي زينب ام عباس تتبارك

بگمر هاشم تگلها يوم المبارك

ونادت يبو فاضل اجوا خطارك

يم اختك دگوم الفضل رد ليها

----------------------------

يبو فاضل وكل واحد نذر عنده

وعلى الشباج واحدهم فرش خده

خايب لليجينه احنه منرده

شما طلبوا طلب لوحاجه نگضيها

----------------------

كل هذا سمعته وانه عندي امراد

گلتلها يزينب عن اهلنه ابعاد

بلچي ابكربله هذا الشمل ينعاد

وجمرة كل غريب اليله تطفيها

--------------------------



الهم لك الحمد واثناء على كل حال</b></i>






التوقيع
خادم خدام الزجيه
04-09-2011, 01:08 PM
احسنت اكثييييييييييييييييييييييييير وربي يتقبل منك سيدنا الغالي وان شاء الله ننتظر من ابدااعك الراقي

بحق محمد وآل محمد ص

وتقبل مروري

خادم خدام الزحيه
علي هاشم البدراوي
04-10-2011, 12:53 AM
بارك الله بكم وجزاكم الله الف خير



على االمشاركة القيمة

تقبلوا مني المرور

و

لكم مني اطيب وارق التحية

اخوكم علي
عاشقة زينب ع
04-12-2011, 04:41 PM
اللهم صل على محمد وعلى آله الطيبين الطاهرين
السلام عليكم ورحمة الله وبركاته
طيب الله انفاسكم وادام توفيقكم
الشيخ باقر الصبيحاوي
04-29-2011, 11:52 PM
موفق سيدنا

الله لايحرمنا من قلمكم الولائي

بحق قائم ال محمد

اللهم اجعلنا من خدامهم