للغدير -- في حق الامام علي ع بفراش النبي مبياته

[سيد حسن الحسيني]

ياهو بفراش النبي مبياتـه -- او وحده ميثني ابــد ضرباته

هوه ابو الحسنين -- طاعن برمحين



علي هذا والنعم عقد الولــــه -- هوه الله اختارله المنصب الــه

ورشحه اول امير اعله المله -- بهل الولايه الدين الله كملــه

اتصافحت وياه كلها امتــــــه -- بمنصبه امن الباري هيه هنته

غيره ماكو امنين -- طاعن برمحين



عــلــــي سياف ومبارز مـايهاب -- وبالحرب يتحده انــــــــواع الصعاب

نسر هوه والخصم يصبح غراب -- واشجع الشجعان اذا اشتد الضراب

يـــعــــلـــــــم بانجيله وبتوراته -- ابليه رجعه ايطلگ الــدنـــيـــاتـــــه

يضرب بسيفين -- طاعن ابرمحين



علي هوه وماكو غيره لافته -- امه وسط الكعبه لمن ولدتـــه

بجفه رد الشمس كلها شافته -- امتون سيد الرسل هيه حملته

للشمس مــن اشـــر ابيمناته -- الــــــه ردت والفرض مافاتـه

شافته كل عين -- طاعن برمحين



هذا ابــــــــــو عباس سبع الكنطره -- اشسووه بحنين وأحــد وبخيبره

العمر بن ود ضربه وحده ايكنطره -- وبعد مرحب ابو حسين ايدمره

نايحه ابكل بيت مـــن غـــزواتـــــه -- محد السره عـــــــــرف معناته

وين مثله وين -- يطعن ابرمحين



ياعلي اشمحله غديرك ياعلي -- وصرت للمؤمن بامر الله ولي

واحنه صحنه نعم ياحيدر بلي -- انبايعك يالبيك كل هــم ينجلي

هذا منصب كفو غيرك ما اله -- انته نـــون وقاف ونته البسمله

والد السبطين -- يطعن برمحين



بيوم تتويجك الامه شاهــده -- وعلوعد شخصك الليله انعاهده

انبايعك والعهد ليك انجدده -- وكــل محب بالسجل يمك قيده

للشفاعه انريد من عندك بعد -- ونــتــه لحبابك تــوفي هالوعــــد

بدربك الماشين -- يطعن برمحين



خـــادم اهـــل الــبـــيــــت ع

الـــشـــاعـــر الاديــــــــب

ســـيـــد عــدنــان الحمامي

[خادم خدام الزجيه]

احسنت وبارك الله فيك ,,,,, وربي يتقبل منك سيدنا

[عاشقة زينب ع]

اللهم صل على محمد وعلى آله الطيبين الطاهرين
السلام عليكم ورحمة الله وبركاته

طيب الله انفاسكم وادام توفيقكم

شكرا على النقل الموفق