صوت الرسالة

[حنان محمد]

صوت الرساله * أمحه الضلاله
من دم وريده * أحيه العقيده
----------
طب للكوفه مسلم وشتشوف العين - حامل راية الله اترفرف ابكل حين
دخل مصلح وكل همه اُصول الدين - كفو ونعمين من مسلم سفير حسين
طب ليها قائد * يصلح يجاهد
مثل الصميده * أحيه العقيده
----------
بالكوفه مثل شمس الدجى شارق - وبلسان الولايه والقدس ناطق
لچن اشرايك البالدين وينافق - الغدر مسلم بگه ابليس اله زاهق
أمس اليوالوه * اليوم اليغدروه
وما لاوه جيده * أحيه العقيده
----------
أمس آلاف كلها توگف ابسده - وكلها عاهدت وكت الشدد جنده
الكتبتله ان اقدم شو صفت ضده - وبارض الكوفه تاليها صبح وحده
اهنا أبده دوره * اعلنها ثوره
ابثوره مجيده * أحيا العقيده
----------
ثوره اعلنها بارض الكوفه من غدروه - ومثل عمه الصميده بالحرب شافوه
السفير احسين بس اثنين اجوا نصروه - هاني وطوعه ومسلم ورحموه
اوحيد ابجروحه * الدينه انطه روحه
وهذا اليريده * أحيا العقيده
----------
ابمكرها الكوفه والمسلم يأسرونه - وبابشع صوره هالوادم يقتلونه
ومن گصر الامارة جثه يرمونه - النصروه بالأمس جثه يسحبونه
أعلن شعاره * ابگصر الاماره
العز قبل ايده * احيا العقيده

[سيد عدنان الحمامي]

لو تذكرون اسم الشاعر كان هذا افضل

للحفاظ على حقوقه

شكرا لكم على النقل

وربي ايبارك فيكم

[شرف الشمس]

http://files.fatakat.com/2010/6/1277772852.gif (http://forums.fatakat.com/thread717979)