آه يا فَگد الاكبر

[حنان محمد]

آه يا فَگد الاكبر
----------
أول ثائر ابدمه * الدينه والده ايقدمه
وآنه الفاگده أُمّه * ليه فكري اتحير
----------
نزل للمعركه ضامي * امگطّع رَدلي لخيامي
جسمه بالحرب دامي * ابجسمه اللّي توذر
----------
إبني الطعنه علطبره * إبني الّي انگطع نحره
إبني الّي انسلب عمره * أنعه ابدمعي الاحمر
----------
شبيه المصطفى أحمد * ابدمّه اعله الثره امدد
يا جرح المنه يتضمّد * الضمه وجروحه والحر
----------
ضامي وما شرب يومين * عليه دار الكفُر صوبين
ابموته مات ابوه حسين * جمرته ابچبدي تسعر
----------
ما ظلّت إلي وليان * واويلي على الشبان
إبني ابني الگضه عطشان * بيمن عگبه اتصبر
----------
لظل طول العمر أنعه * جسمه قِطعةٍ قِطعه
راح اوليدي شيرجعه * ظامي اللهُ أكبر
----------
بسم الأكبر ادعينه * يرب بمصابه نادينه
الغايب يظهر اعلينه * الثاره المهدي يظهر
-------------------------