يهلنا إحسينكم رضوا إضلوعه

[حنان محمد]

يهلنا إحسينكم رضوا إضلوعه * وضاگ الموت روعه بعد روعـه

يجدي گوم شوف إحسين مذبـوح * عله الشاطي وعله التربان مطروح
يجدي ما بگتله امن الطعن روح * يجدي گلب أخوي إحسين فطّـر

يجدي مات محد وگف دونه * ولا نغّار غمضلـه إعيونـه
يعالج بالشمس منخطف لونه * ولا واحد إبحلگه ماي گطـر

يجدي مات محّد مـدّد إيديـه * ولا واحد يجدي عدل رجليه
يعالج بالشمس محد وصل ليه * يحطله إظلال ياجدي مِن الحر

يجدي الرمح بفّاده تثنّه * يجدي بالوجه للسيف رنّه
يجدي الخيل صدره رضرضنه * ويجـدي بالترب شيبـه تعفّـر

ثم وجهّت التعزية إلى أبيها أمير المؤمنين :

تعالوا لبنكم غسلوه * والچفـن وياكـم دجيبـوه
وجيبوا گطن للجرح نشفـوه * وعله اجتافكم لحسين شيلوه

يبويه گوم شوف اعزيزك احسين * عله التربـان مـحـزوز الوريـدين
وعبـاس النفل مگطـوع اليدين * وباگي اقمارنه فوگ الوطيّة

يبويه گوم شوف إشلون ولياي * كلها إمذبّحه وما ضاگت الماي
يبويه لوتشوف إشماته إعداي * وتشـوف إبناتك مسلّبه بهلبر

يبويـه شـلسبب ما جـيـت للـساع * تشوف إعزيزكم عاري عله الگاع
أريـدنك تـجـي لحسـيـن فزّاع * ونشوف إغبار ميمونك إمن إيثور

* * * * *

يا ليتَ في الأحياءِ شخصَك حاضرٌ * وحسينُ مطروحٌ بعرصةِ كربلا