وين عن زينب ياراعي الغيرة

[حنان محمد]

موشح في لسان حال الحوراء زينب لأخيها العباس ..

وين عن زينب يراعي الغيره - اعلى الهزل حين الخذوها ايسيره

اوياك طلعت زينب ابيوم الرحيل - وانته يابالفضل للحره الچفيل
عنها وينك ها يبن حامي الدخيل - اعلى الهزل والطرف ليك اديره

شبحت الجيّتك يا خوها النظر - اتگوم ليها حتى لو صاير وذر
تدري چم واحد على زينب جسر - زينب ايضربوها هاي اچبيره

هاي والله اچبيرة زينب تنضرب - والحرم كلها ابغيابك تنسلب
علرمح راسك تحاچيه واتعتب - يلدخيلك تامنه واتجيره

يلچنت بحماك محشومه عُمر - زينب آنه ايلقبوني ام الخدر
وسف صرت امن ايدك الايد الشمر - وضعني بيده ينجعل تدبيره

يل عله الشاطي اويه جودك منذبح - اشلون راسك ما نزل من الرمح
حين شاهد دمعتي من دم تسح - اشلون ظل علرمح واخته ابحيره

اشلون ظل علرمح وانه ابحرگه اون - وزجر أدمه ابسطرته مني الجفن
ومن سياط الشمر يسود المتن - حرمله وزجر وخوله وغيره

يلگضيت امگطع ابسوح الحرب - امتوني خويه اسودت ابكثر الضرب
اتگله اگعد شوف شوغات الگلب - لا أهل ظلت إلي ولا ديره