نقسم بدمك ياحسين

[حنان محمد]

مبايعينك احنه شيعه ونقسم بدمك حســين

والصدور العهد صارت والختم ذني الادين

..........

نعاهد المظلوم والله أنــــعاهده

وذكرك بكل حين احنه أنــجدده

وجرح ينزف سيدي أبدن ما هده

وقسم حبك بــــاقي بينه أنردده

وبالدماء حسين والله معاهدين

............

مـــا نساوم بل نقاوم مـا نبيع

ابد والله أي وحق دم الرضيع

احنه غير حسين أبدا ما نطيع

وثاره بالأرواح لتظنه يضــيع

نصيح كلنه يالثارات الحسين

............

احنه من زمان تدري معاهديك

احنه من غيرك نموت ونحيه بيك

والله كلنه سيوف مرهونة ابإديك

مـــا يهمنه أي ظرف من نعتنيك

ونبقى شوكه بعين كل الحاقدين

.............



نسحك عله الخوف يحسين ونفوت

علمتنه عله الشهادة مــــن نموت

يبقى صوتك يا إمامي أعلى صوت

كلا للـــظلام وأهــــــــل الجبروت

رغمن أعله عناد كــــل الظالمين

..............

فجرونه وذبـــــــحونه وما نزل

خــــــل يذبحــونه بحبك ما نمل

أنت دين الله يعني أنت الــــعدل

أنت قــــرأن عله جدك من نزل

أنت صلى عليك جبريل الأمين

...............

مبايعينك بس إلك يحله الولاء

مانعوفك لا وحق رب السماء

قبله أنت ومصدر لكل الضياء

أنت جرحك ابد ماينزف دماء

أنت جرحك صار ينزف ثائرين

[خادم خدام الزجيه]

احسنتم كثيييييييييرا وربي يتقبل منكم كل خييييييييييييييير

شكرا عله الطرح الرائع والمميزالتي تقدمنها في هذه الصرح المبارك

وننتظر كل جديد منكم ومن مواضيعكم المفيده التي يتفيد منها القارئ اليها

وسئل الله لكم دووام التوفيق في هذه الخدمه المباركه

وحشرنا الله واياكم في زمرة محمد وآل محمد ص

تحياتي ودعائي