اليوم اليتامه يعلي تتحير -- مستهل -- وابوذيات -- لوفاة الامام علي ع

[سيد عدنان الحمامي]

بسمه تعالى

سلام عليكم

الحمد لله الذي جعلنا واياكم من الموالين لامير المؤمنين علي بن ابي طالب

عليه السلام

اسئل الله ان يرزقنا واياكم شفاعته يارب

--

--

--

المستهل

--

اليوم اليتامه ياعلي تتحير

وهاي الارامل غيرك اشتتخير

--

ونه تجر ايتام اسمع يرحين

ماظن جرح بالراس اظنهن يرحين

وهاي الارامل وين عگبك يرحين

ويه اليتامه ياعلي تتحسر

--

فرسان حيدر صارمه يندلها

وكل معظله حلها صعب يندلها

جفنه اليتاماه كل وكت يندلها

دمعه عليهم لوبچوا يتفجر

--

هذا سواد الحزن دارك لاون

ولو ون يتيم الجبل يهتز لاون

عايف يتاماك برحيلك لاون

ماظن اتفارگهم يحيدر تگدر

--

راية بدر حيدر علي مايلها

طاعون سيفه ابغيرهم مايلها

نشفت اعيوني مابعد مايلها

من اسمعت شيبه ابدماه اتعفر

--

گلبي يحيدر بعد عينك منراح

ولاينفع اصفك راح بويه منراح

غالي الابو صرنه يتامه منراح

وشلون من بعد الابو نتصبر

--

چم معجزه ابطون الكتب عادتله

وناس الحسوده الهل السبب عادتله

شافوا شمس الله اله عادتله

وبچفه يوم اللي قلعها الخيبر

--





التعديل الأخير تم بواسطة عدنان الحمامي (http://www.adnanalhamame.com/vb/posthistory.php?p=221389); 22-08-2010، الساعة 12:02 PM
«« توقيع عدنان الحمامي »»
http://cars-club.maktoob.com/up/8-2-1/carsclub_67586547.gif

[علي هاشم البدراوي]

موفق مولاي وطيب الله انفاسك يابعد عيني

[خادم خدام الزجيه]

الله الله الله جميييييييييييله جدا وسلمت يمناك سيدنا الغالي

ابدااااع سيدنا الغالي والكلمات في القمه الروعه

ننتظر منك كل جديد من ابداعتك الولائيه من أحزان وافراح

محمد وآل محمد ص

حشرنا واياكم في زمرة محمد وآل محمد ص

وسئل الله الدوام التوفيق في هذه الخدمه الجليله والمباركه

تحياتي ودعائي