دار احزاني دار احزاني -- عشت ايامي بدار احزاني -- وفاة الزهراء ع

[خادم خدام الزجيه]

بسمه تعالى

سلام عليكم

--

--

--

المستهل

--

داري احزاني دار احزاني -- عشت ايامي بدار احزاني

تجري اعيوني -- مارحموني

--

دار الحزن يشهد الي -- اتسولف الدمعه بعيني

حسراتي بضلوعي غفت -- مرّ لقهر والفني

آنه الوديعه امن النبي -- عد أمته خلفني

من عنده بضعه فاطمه -- كل الخلك تعرفني

دمعي بعيني دمعي ابعيني -- مافاركني دمعي بعيني

من هظموني -- مارحومني

--

جنت ابوجود المصطفى -- الوادم تبو س اعتابي

كل هام لينه لودنه -- ايدنك الهام ابابي

بس غاب عني والدي -- بالضلع صار اصوابي

ولاجلي املاك السمه -- نصبت عزه لمصابي

شوغه وحسره شوغه وحسره -- حملت روحي شوغه وحسره

هم نكروني -- مارحموني

---

نكروني ميراثي انسلب -- حكي امن ابويه ايغصبوه

اخذوها مني نحلتي -- ونصّ الرساله ينسوه

وقرآن شرع للعدل -- نهج العداله ايحرفوه

خالفوا أمره للنبي -- ظالم علينه اينصبوه

بس داعيته بس داعيته -- اعليه اتجسر بس داعيته

ويروعوني -- مارحموني

--

روعوني بس ماطالبت -- بحقنا ينص القرآن

تاج الولايه الحيدره وجبريل شاهدها جان

من كمل دينه اعله الملا -- وبخبخ اله كل السان

ماواحد البيهم وفي -- يوفي الرسول بايمان

تعنه الدار تعنه الداري ويه اذنابه اتعنه الداري

من سطروني -- مارحموني

----

اتعنالي مشحون بحقد -- شرير ويه الاشرار

ماهاب حرمه للنبي -- يهجم يريد اعله الدار

تتلاهب اعيون الحقد -- من كبل مايشعل نار

اتسترت بالباب ولذت -- وهذا العليه اللي صار

صابو صدري صابوا صدري -- من عصروني صابوا صدري

ويفجعوني -- مارحموني

---

صدري انكسر منه ضلع -- ومحسن اعيوني اتنظره

مني المنيه جن دنت -- كسر الضلع شيجبره

عيني على حسين وحسن -- وزينب واهل العبره

لو رحت بيهم ياقلب -- يحمل اشراح ايصبره

شيصبرهم شيصبرهم -- من اخلافي شيصبرهم

من ودعوني -- مارحموني

--
سيد عدنان الحمامي








آخر تعديل عدنان الحمامي يوم 03-12-2011 في 11:56 AM.
http://www.alradodyassen.zaghost.com/vb/mawaheb/buttons/report.gif (http://www.alradodyassen.zaghost.com/vb/report.php?p=1280)