شعر شعبي نبطي

[حنان محمد]

طويناها صفحتك ونتهه الموضوع

فعل ماضي صفيت وخلصت المده
اشتتوقع ابوس اجدامك من تروح
واسحك كبريائي واطلب النجده
صح جدمي عثر من شفت طولك لاح
لاكن مانخيتك من طحت عمده
توجيت اعله جرحي وماطلبت العون
لان ادري اليطيح اجفوفه لتسنده
صح الكمر اكبر ونجوم ازغار
بس تحله السمه مو بالكمر وحده
واذا ساكت تره مو لان ماكو السان
مرات الصمت من الحجي ابده
وجف المايصافح جفك بالحساس
لا تعتب عليه وتنتخي بزنده
من اكتب شعر لاتعتقد بطران
البلابل بالقفص من ظيمهه مغرده
ماصدك بعد دمعاتك من اطيح
هم يهمل دمعهه العين لورمده
روح بلا وداع وكل اثر ماريد
اليكتب علرمل يعرف قدر كتبه

[سيد عدنان الحمامي]

موفقين ان شاء الله

اسئل الله لكم العافيه

لتواصلون هذا المشوار

وممكن نعمل قسم للشعر النبطي والومضه والمقطوعات العامه

لكم دعائي وتحياتي