يانسيم الهاب فدوه. اخذ وياك الامانه.. ياصاحب الزمان

[سيد عدنان الحمامي]

شوقنا الى المام المنتظر عجل الله فرجه الشريف
--------------------------------------------------

يانسيم الهاب فدوه -- اخذ وياك الامانه

شوفلي المحجوب وينه -- بياكتر صاير مچانه

------
يانسيم الهاب مني -- اخذ روحي فوگ جنحك

يم ابو صالح تذبها -- خل تگله شوكت صبحك

يمته چا سن الموالي -- يبتسم يايوم يضحك

طيب اجروحه الينزفن -- ماشفن عانگن جرحك

الك ثارات اليندبن -- مدري ياثار اليريحك

وين يالمهدي مچانك -- وين وبياقمه صرحك

طالت الغيبه يغايب -- صرنه للشيطان مضحك

غايب الكم گال وينه -- صحنه حاشاء مانسانه

يانسيم الهاب فدوه --اخذ وياك الامانه

------

يانسيم الهاب نخوه -- محب يتوسل اسمعه

مر على كل الرواسي -- بلچن اتشاهدله قلعه

لوشفت مهدينه خبره -- شيعتك تنطر الطلعه

الغاب عن احبابه لابد -- فرد يوم واله رجعه

ياسبب خلاك تبطي -- وبينه تگطع فرد گطعه

والصبر علگم يغايب -- شكثر چم مره نجرعه

لامته هالغصص بينه -- غيبتك يگلون بدعه

رغم كل هذا يغايب -- نعلگ المولدك شمعه

لان يبن الحسن ندري -- حاضر اليله اويانه

يانسيم الهاب فدوه -- اخذ وياك الامانه

------ سيد عدنان الحمامي -----