اجس ظلعج يمظلومه؟لمولاتي الزهراء ع اقول

[ابو علي السعيدي]

أجس ظلعج يمظلومه
واشوفن دمج الغالي..واصيح بصوتي العالي
اجس ظلعج يمظلومه
&&&
يمظلومه عشت وياج..عشت اسنين متهني
يمظلومه جنت انخاج..يالدمج تره مني
يمظلومه اظل انعاج..لحد الموت يدفني
لمن ولدج يمظلومه
هيه تدفن الوالي.. واصيح بصوتي العالي
اجس ظلعج يمظلومه
&&&
يمظلومه فكدتي احباب..وعليج الكون يتالم
يمظلومه اعيش مصاب..بكلبي حزنج الخيم
يمظلومه اظل طلاب..بعدج دهري من غيم
اصيح اردود يمظلومه
اعاتب روحي وحالي.. واصيح بصوتي العالي
اجس ظلعج يمظلومه
&&&
يمظلومه العمر يومين..بعدج لاهنه ولا طاب
يمظلومه الحسن وحسين..صعبه فركت الاحباب
يمظلومه ينور العين..بكلبي من نصبت امصاب
الج انصب يمظلومه
خيالج صاير اكبالي.. واصيح بصوتي العالي
اجس ظلعج يمظلومه
&&&
يمظلومه احن اعليج..بكلب مهموم يتحسر
يمظلومه عمر انعيج..كلبي بهمه يتفطر
يمظلومه مهجتي انطيج..على فركاك مااكدر
عليج ينوح يمظلومه
تفطر حسره دلالي.. واصيح بصوتي العالي
اجس ظلعج يمظلومه
&&&
يمظلومه دمع عيني..الج من ينزل ابسرعه
يمظلومه اريدنج تسمعني..لفتني بغيبتك وجعه
يمظلومه بعدج من يسلني..بغيابج ونتي ودمعه
اكول تهون يمظلومه
بعدج خيب امالي.. واصيح بصوتي العالي
اجس ظلعج يمظلومه
&&&

خادم اهل البيت
الحاج ابو علي السعيدي