--- سهم العين -- والچفين -- خويه گطعن اضنوني -- للعباس ع

[خادم خدام الزجيه]

بسمه تعالى

سلام عليكم

--

--

سهم العين -- والچفين -- خويه گطعن اضنوني

--

ناده حسين ياعباس -- فگدك يصعب اعليه

دربي اشلون اشوفه اشلون -- ونته الناظري ضيه

ظهري مو كسرته ليش -- وماظل كل أمل ليّه

من شفت العلم عالگاع -- بكتره أچفوف راعيه

گوم اوياي -- رد اعداي -- عگبك وحدي شافوني

--

وحدي من بعد عينك -- وهذا اليوم للخوّه

للكلفه الاخو ينراد -- اي ولله الاخو تچوه

لوشاف الاخو مظيوم -- ابشده طايح وبلوه

مثل مهوه النجم خويه -- لخيّه ابشدته يهوه

وأنه بحيره -- يبو الغيره -- ياهو اليحرس اضعوني

--

أدري أمن الاسد حيدر -- شبل والجابتك لبوه

ماينراد احشم بيك -- ماينراد الك نخوه

وحدي شلون ترضاها -- واعرفك صاحب امروه

عفتني ورحت ياعباس -- بيمن بعد اتگوّه

يليث الغاب -- چبدي ذاب -- من الماي حرموني

--

يعباس الاخو مريود -- صعبه اعله الاخو فگده

ومثلي يبن ابويه ايصير -- اتعيفه ابشدته وحده

وغيرك تدري ياعباس -- أخوك حسين ماعنده

العسكر يطلب بدمي -- وماغيرك كفو ايرده

شر هالناس -- ياعباس -- ماظنهم يرحموني

--

زينب يم اخهوها حسين -- وگفت حايره اتنظره

لا أخوه بعد وانصار -- لامن ناصر اينصره

راد حسين ابو فاضل -- ابهاي النايبه ايحظره

لايمه علي الاكبر -- ضحه الاكبر بعمره

بچت عينه -- عله اسكينه -- ابعمچ گلها فجعوني

--

گالتله يبويه وين - عمي مارجع لينه

واعدني اجيب الماي -- واروي چبدچ اسكينه

شنهو العطله ومارد -- سبع الگنطره وينه

عساني لاطلبنه الماي -- وتظل نار الظمه بينه

هم ايعود -- راعي الجود -- عمي اتشاهده اعيوني

--

سيد عدنان الحمامي

[سيد عدنان الحمامي]

مناجات للحجه عج لله فرجه الشريف
------------
ننطر يالغبت يايوم امر الله

---- يالمهدي النواظر جاي تنتظرك

عيون اعله الدرب كل جمعه مشبوحات

---- بلچن فرد جمعه اعيونه اتنظرك

ساعات التمر نحسبها چنها أسنين

---- يالمهدي صبر تنطينه من صبرك

بلچن فرد جمعه وكلنه نتلگاك

---- لاگلب الذي يحمل بعد هجرك

بدربك مو زرعنه أورود من كل لون

---- ويكثر هالورد ويه ككثر عمرك

بدعاء الندبه ذكرك سيدي كل يوم

---- ومن نقره دعائك بي نشم عطرك

صابر محتسب يبن الحسن ندريك

---- من باب الله فد يوم ويجي أمرك

وتداوي الجروح اجروح بينه اهواي

---- من بعظ الذي محسوب ينتظرك

مبيوعه الظماير صار من ازمان

---- ومانگدر بكلشي سيدي انخبر

اذا ردنه نسولف انته تعلم بيه

---- ويا امر النسولف سيدي ايقهرك

دعائك سيدي كل احنه محتاجيه

---- شفاء الكل مريض اليلهج بذكرك

وحشدنه بعينك نريدك تجي اتباريه

---- لأن يبن الحسن نصره تره نصرك

يايوم السماء وتصدر المرسوم

---- اظهر يبو صالح اظهر أتأمرك

--- سيد عدنان الحمامي--